AQSh Senaty Govard Lıýtnıkti Saýda mınıstri etip bekitti

ASTANA. KAZINFORM – AQSh Saýda mınıstrliginiń basshysy laýazymyna Govard Lıýtnıktiń kandıdatýrasyn 45-ke qarsy daýyspen 51 senator maquldady, dep habarlaıdy The New York Times.

Tramptyń aýysyp jatqan komandasynyń teń tóraǵasy qyzmetin atqarǵan Lıýtnık keń aýqymdy jaýapkershilikteri bar úlken departamentti basqarady.

Saýda mınıstrligi Sanaq bıýrosyn, Ulttyq meteorologııalyq qyzmetin, Patent jáne taýar belileri keńsesin, Ulttyq muhıttyq jáne atmosferalyq basqarmany, Ekonomıkalyq taldaý bıýrosyn jáne Ulttyq azshylyq bıznesin damytý agenttigin basqarady.

Departamentte shamamen 47 myń qyzmetker bar jáne 2025 qarjy jylyna vedomstvo 11,4 mlrd dollar kóleminde bıýdjet surady.

«Cantor Fitzgerald» qarjylyq qyzmet kórsetý kompanııasynyń burynǵy bas dırektory Lıýtnık Tramp kabınetiniń 17-shi rastalǵan múshesi boldy.

Djo Baıden tusynda Demokratııalyq partııa basqarǵan Senat kabınettiń 17 mınıstrin bekitýge 56 kún jumsady. Tramp basqaratyn respýblıkashyl senat bul kórsetkishke nebári 29 kúnde jetti.

Osyǵan deıin Kesh Pateldiń AQSh Federaldy tergeý bıýrosyna basshylyq etetini týraly jazdyq.