AQSh-Reseı kelissózi teńge baǵamyna áser ete me
ASTANA. KAZINFORM — Ulttyq bank tóraǵasy Tımýr Súleımenov bazalyq mólsherlemege arnalǵan baspasóz máslıhatynda AQSh-Reseı kelissózi teńge baǵamyna qalaı áser etetinin aıtty.
— Rýbldiń teńgege shaqqandaǵy baǵamy únemi 5 teńge kóleminde saqtalady deý durys emes. Iá, jyldar boıy ortasha mólsherde 5 teńgelik meje bar. Biraq siz aıtyp otyrǵan ekonomıkadaǵy shaıqalystar ýaqytsha sıpatqa ıe jáne ekonomıkaǵa áseri bolady. Sanktsııalar alynyp, Reseı ekonomıkasyna jol ashylsa, onyń áseri Qazaqstan ekonomıkasy men qarjy naryǵyna qaraǵanda Reseıge kóbirek yqpalyn tıgizedi, — dedi ol.
Ulttyq banktiń rýbl naryǵyna qatysty boljamdary optımıstik sıpatta.
— Óıtkeni ýshyqqan shıelenister rettelse, Reseı ekonomıkasyna kóbirek jaǵymdy áser etedi. Biz úshin aıtarlyqtaı eshteńe ózgermeıdi. Sondyqtan reseı-amerıka kelissóziniń teńgege sýper jaǵymdy nemese sýper jaǵymsyz áserin boljap otyrǵan joqpyz, — dedi ol.
Al Qazaqstanda, Ulttyq bank basshysynyń aıtýynsha, bazalyq mólsherleme áli de kóterilýi múmkin.