AQSh prezıdenti Qasym-Jomart Toqaevty Maıamıde ótetin G20 sammıtine shaqyrdy

ASTANA. KAZINFORM – Memleket basshysy Qasym-Jomart Toqaevtyń atyna AQSh Prezıdenti Donald Tramptan hat kelip tústi. Bul týraly Aqordanyń baspasóz qyzmeti habarlady. 

Amerıka kóshbasshysy aqpan aıynda Vashıngtonda ótken Beıbitshilik keńesiniń alǵashqy jıyny aıasyndaǵy Qazaqstan Prezıdentimen kezdesýdi yqylaspen eske aldy.

Qurama Shtattardyń prezıdenti Donald Tramp Memleket basshysyn Beıbitshilik keńesiniń kelesi otyrysynda jáne jyl sońyna qaraı Maıamıde ótetin G20 sammıtinde kútetinin jetkizdi. 

Eske salsaq, budan buryn Izraıl prezıdenti Memleket basshysyn jańa Konstıtýtsııanyń qabyldanýymen quttyqtaǵanyn jazǵan edik.