AQSh pen Ulybrıtanııa hýsıtterge aýyr soqqy jasady

AQSh pen Ulybrıtanııa qarýly kúshteri Iemendegi hýsıtterdiń nysandaryna birqatar shabýyldar jasady. Bul týraly TASS «Al Masirah» telearnasyna silteme jasap habarlady.

Qyzyl teńiz jaǵalaýynda ornalasqan Hodeıda provıntsııasyndaǵy «Ras-Isa» porty aýmaǵyna keminde úsh áýe shabýyly jasalǵany atap ótildi. Ázirge zardap shekkender týraly aqparat joq.

Sondaı-aq, «Ansar Alla» qozǵalysy Gaza sektoryndaǵy qaqtyǵysqa baılanysty Izraıl aýmaǵyna shabýyldar jasaıtynyn jáne onymen baılanysty kemelerdiń Qyzyl teńiz ben Bab ál-Mandeb buǵazy arqyly ótýine jol bermeıtinin málimdedi.

AQSh sheneýnikteri Qyzyl teńizde júzý erkindigin qamtamasyz etý jáne kemelerdi qorǵaý úshin halyqaralyq koalıtsııa qurý jáne Prosperity Guardian operatsııasyna daıyndyq týraly habarlady.

Aqparat úshin, ótken jyldyń qarasha aıynyń ortasynan beri hýsıtter Qyzyl teńiz ben Aden shyǵanaǵynda Izraılge qarasty ondaǵan kemelerge shabýyl jasady.