AQSh pen Ýkraına paıdaly qazbalar jónindegi kelisimge qol qoıdy
ASTANA.KAZINFORM - AQSh-tyń Qarjy mınıstrligi Kıev pen Vashıngton paıdaly qazbalardy birlesip óndirý jáne Ýkraınany qalpyna keltirý úshin ınvestıtsııalyq qor qurý týraly kelisimge qol qoıǵanyn málimdedi, dep jazady VVS.
AQSh Qarjy mınıstrliginiń saıtynda jarııalanǵan baspasóz málimdemesinde kelisim «Amerıka halqynyń Ýkraınany qorǵaýǵa kórsetken eleýli qarjylyq jáne materıaldyq qoldaýyn moıyndaý úshin» jasalǵany aıtylǵan.
- Bul ekonomıkalyq yntymaqtastyq Ýkraınanyń ekonomıkasyn qalpyna keltirýdi jedeldetý úshin birge jumys isteýge múmkindik beredi, - dedi AQSh Qarjy mınıstrligi.
Bul rette Qarjy mınıstrligi taraptar «baǵdarlamanyń qalaı basqarylatynyn túpkilikti bekitý jáne osy mańyzdy seriktestikti damytý» boıynsha jumys isteıtinin túsindiredi.
Buǵan deıin Ýkraınanyń tek qana negizdik kelisimge qol qoıýǵa daıyn ekendigi, al AQSh tehnıkalyq málimetterdi qamtıtyn taǵy eki qosymshany jasaýdy talap etkeni habarlanǵan bolatyn.
- Bul kelisim Reseıge Tramp ákimshiliginiń Ýkraınanyń uzaq merzimdi perspektıvada erkin ári egemen el retinde gúldenýin jaqtaıtyny týraly naqty sıgnal beredi, - dedi AQSh Qarjy mınıstri Skott Bessent.
Aıta keteıik, 24 naýryzda AQSh prezıdenti Donald Tramp Amerıka ákimshiligi men Ýkraına bıligi sırek jer elementteri jónindegi kelisim boıynsha jumysty aıaqtaýǵa jaqyn ekenin jáne jaqyn arada oǵan qol qoıatynyn habarlaǵan bolatyn.
Kıev atom elektr stansasyna AQSh-tyń baqylaýynsyz jer qoınaýy týraly kelisimge qol qoıýǵa daıyn ekenin málimdedi.