AQSh ortalyq barlaý qyzmetiniń dırektory Gaza boıynsha 28 kúndik bitimge kelýge shaqyrdy

ASTANA. KAZINFORM — AQSh ortalyq barlaý qyzmetiniń dırektory Ýılıam Berns Gazadaǵy atysty toqtatyp, 28 kúndik bitimge kelý arqyly Izraıl túrmesinde kepildikte otyrǵan segiz áıel men jasy 50-den asqan er kisilerdi sondaı-aq birqatar palestın azamattaryn bosatýǵa shaqyrdy. Bul týraly TASS jazdy. 

Axios portalynyń habarlaýynsha, bul stsenarıı atysty toqtatý kelissózderin sońǵy aılarda qol jetkizgen tyǵyryqtan shyǵaryp, jan-jaqty kelisim boıynsha kelissózderge kóshýge múmkindik berýi múmkin. Alaıda, basylym mundaı jospardy tek ýaqytsha atysty toqtatýǵa daıyn ekenin málimdegen Izraıl premer-mınıstri Bınıamın Netanıahý men Izraıl áskerleriniń shyǵarylýyn talap etip otyrǵan Palestınalyq Hamas radıkaldyq qozǵalysynyń ustanymdaryndaǵy túbegeıli kelispeýshilikterge baılanysty júzege asyrý múmkin emestigin moıyndaıdy. 

Izraıl sheneýnigi basylymǵa: «Eger eki jaq ta óz ustanymyn jumsartpasa, mámile bolmaıdy», - dedi.

Portalǵa suhbat berýshiler Hamas saıası bıýrosynyń basshysy ıAhıa Sınvardyń ólimi aqyr aıaǵynda qozǵalysty óz talaptaryn jumsartyp, kishigirim kelisimderge kelisýge májbúrleıdi  Izraıl qaqtyǵysty toqtatý úshin barynsha daıyn bolady dep úmittendi.

Esterińizge sala keteıik, Dohada Gazadaǵy bitimge kelý týraly kelissózder ótip jatyr. Buǵan deıin Egıpet kepilge alynǵan tórt adamdy birneshe palestınalyq tutqynǵa aıyrbastaýdy usynǵan.