AQSh Memlekettik hatshysy Qytaıdy Ormýz buǵazy máselesi boıynsha Iranǵa yqpal etýge shaqyrdy
ASTANA.KAZINFORM - Vashıngton Tegeran jaǵyndaǵy Ormýz buǵazynyń jabylýyna alańdaýshylyq bildirip, Beıjińdi Iran basshylyǵyna yqpal etýge shaqyrdy, dep habarlaıdy Kazinform agenttiginiń menshikti tilshisi.
AQSh Memlekettik hatshysy Marko Rýbıo jeksenbi kúni Fox News efırinde Qytaı Iran munaıynyń eń iri tutynýshylarynyń biri retinde Iran parlamentiniń buǵazdy jabý týraly áreketine aralasýy kerek dep málimdedi. Ormýz buǵazy arqyly álemdik munaı men gaz kóleminiń shamamen 20%-y ótedi.
- Men Qytaı úkimetin osy másele boıynsha olarmen baılanysýǵa shaqyramyn. Óıtkeni olar kóbinese Ormýz buǵazyna munaı jetkizýge táýeldi, - dep atap ótti Rýbıo.
Onyń aıtýynsha, buǵazdy jabý úlken qatelik, ol eń aldymen Irannyń ózi úshin aýyr ekonomıkalyq zardaptarǵa ákeledi. Rýbıo mundaı qadam AQSh pen basqa memleketterdiń reaktsııasyn týdyratynyn, onyń sońy aýqymdy shıeleniske ulasýy múmkin ekenin aıtty.
Qazir buǵazdyń jabylǵany týraly resmı aqparat joq.
Sonymen qatar Qytaı AQSh-tyń Iranǵa jasaǵan shabýyly men ıadrolyq nysandardy bombalaýyn qatań aıyptady. Óz kezeginde BUU bunyń aımaq úshin «qaýipti burylys» ekenin málimdedi.
Aıta keteıik, Túrkııa Ormýz buǵazy jabylǵan jaǵdaıda balama joldardy anyqtap jatyr.
Iran saýda kemeleri úshin Ormýz buǵazyn jappaýǵa ýáde berdi.
Iran Izraıl shabýylynan keıin Ormýz buǵazyn jabaıyn dep jatyr.