AQSh komandasymen básekede barymyzdy salamyz — Anna Danılına

ASTANA. KAZINFORM — Qytaıdyń Shenchjen qalasynda 16-21 qyrkúıekte komandalyq álem chempıonaty — Bıllı Djın Kıng kýbogynyń fınaldyq kezeńi ótedi.

Qazaqstan quramasy 18 qyrkúıekte shırek fınalda AQSh tennısshilerimen sheberlik baıqasady. Bul qos komandanyń ózara alǵashqy kezdesýi bolmaq.

AQSh quramasy dúnıejúzilik dodada 18 ret jeńimpaz atanǵan. Sonyń ishinde 1976-1982 jyldary qatarynan jeti tıtýlǵa qol jetkizdi.

Qazaqstandyqtar Bıllı Djın Kıng kýbogynyń álemdik komandalyq reıtıngisinde altynshy orynda tur. Bul — Qazaqstan úshin eń joǵary kórsetkish. Qazaqstan áıelder quramasy Chehııa, Shveıtsarııa, Germanııa, Aýstralııa, Japonııa, Belgııa, Frantsııa sııaqty elderdi artta qaldyrdy.
Álem chempıonatynda el namysyn Elena Rybakına, Jibek Qulambaeva, Zarına Dııas, ıÝlııa Pýtıntseva, Anna Danılına qorǵaıdy.

— Kóńil-kúı óte jaqsy, birneshe kún boıy tynbaı jattyǵýdamyz. Ózim babymdamyn dep aıta alamyn. Juptyq synda kimmen birge oınaıtynymdy qazir aıtý qıyn. Degenmen bárimiz birge daıyndalýdamyz. Sondyqtan komandaǵa upaı áperý úshin barymyzdy salamyz, — dedi A.Danılına.

ıÝ.Pýtıntseva atalmysh qaladaǵy korttyń óziniń oń jambasyna keletinin jetkizdi. 

— Qarsylastarymyz óte myqty, jekeleı syn ońaıǵa túspeıdi. Kim shyqsa da, bárine daıyn bolýǵa týra keledi, — dedi ıÝ.Pýtıntseva.

Eske sala keteıik, budan buryn Jibek Qulambaevanyń alǵash ret WTA týrnırinde jeńimpaz atanǵanyn jazǵan edik. 

Sondaı-aq qazaqstandyq jas tennısshiler Astanadaǵy týrnırdiń chempıony atandy.