AQSh kólik ımportyna 25% baj salyǵyn engizdi

ASTANA. KAZINFORM — AQSh ákimshiligi elden tys jerde shyǵarylatyn barlyq kólikterge 25% ımporttyq baj salyǵyn engizedi. Bul týraly AQSh prezıdenti Donald Tramp sársenbi kúni Aq úıde tilshilermen kezdesý barysynda málimdedi, dep habarlaıdy euronews.

— Biz is júzinde 25 paıyzdyq tarıf alamyz. Biraq kólikti Qurama Shtattarynda qurastyratyn bolsańyz, tarıfter bolmaıdy, — dedi ol.

Aq úıdiń sendirýinshe, avtokólik ımportyna salynatyn tarıfter ishki óndiriske septigin tıgizedi, biraq sonymen birge jahandyq jetkizý tizbegine súıenetin avtomobıl óndirýshilerine qarjylyq qysym kórsetýi múmkin. 

— Bul ósimdi yntalandyrýdy jalǵastyrady, — dep sendirdi Tramp.

Alaıda jańa tarıfterdi engizý tipti amerıkalyq avtoóndirýshiler úshin de qosymsha qıyndyqtar týdyrýy múmkin, óıtkeni olar quramdas bólikterdi búkil álemnen satyp alady. Bul olardyń joǵary shyǵyn men satylymnyń tómendeýine tap bolýy múmkin degendi bildiredi.

25 paıyzdyq baj týraly jarııalanǵannan keıin General Motors aktsııalary shamamen 3 paıyzǵa, al Jeep pen Chrysler aktsııalary 4 paıyzǵa jýyq qulady.

Aıta ketelik Qytaı AQSh-tyń jańa baj salyqtaryna baılanysty DSU-ǵa shaǵym túsirgen edi.