AQSh Qasym-Jomart Toqaevtyń batyl reformalaryn qoldaıdy – Entonı Blınken

ASTANA. QazAqparat – Álemdik máselelerdi sheshýde Qazaqstannyń ózindik erekshe orny bar. Bul týraly búgin elordada ótken «S5+1» formatyndaǵy mınıstrler kezdesýinen keıin BAQ ókilderiniń saýalyna jaýap bergen AQSh-tyń Memlekettik hatshysy Entonı Blınken aıtty, dep habarlaıdy QazAqparat tilshisi.

«AQSh tarapy Prezıdent Qasym-Jomart Toqaevtyń batyl reformalaryn qoldaıdy. Bul oraıda biz Qazaqstan qabyldaıtyn sharalar men atqaratyn jumystardy baqylap otyramyz. Ásirese, adam quqyǵyn qorǵaý, jemqorlyqty joıý men prezıdenttik merzimge qatysty júrgizilip jatqan reformalaryn atap ótkim keledi. Bul baǵyttaǵy ózgerister Qazaqstanǵa ınvestıtsııa quıýǵa qolaıly el retinde kórsetedi. Biz 1991 jyldan beri Qazaqstan ekonomıkasyna 50 mlrd dollardan astam ıvestıtsııa quıdyq. Aldaǵy ýaqytta AQSh-ta tikeleı ıvestıtsııa baǵyttaýǵa nıetti. Sonymen birge Qazaqstan álemdik máselelerdi sheshýde ózindik erekshe orny bar seriktes el ekenin aıta ketken jón. Máselen, ıadrolyq qarýdyń taralýyn toqtatý, bitimgerlik operatsııalarǵa qatysý, sondaı-aq ǵarysh keńistigin zertteýdegi úlesi aıryqsha», - dedi Entonı Blınken.

Onyń aıtýynsha, búgin Astanada ótken «S5+1» formatyndaǵy mınıstrler kezdesýinde ekonomıka, energetıka, ekologııa jáne óńirlik qaýipsizdik máseleleri talqylanǵan.

Osyǵan deıin AQSh Memlekettik hatshysy Entonı Blınken Qazaqstanǵa alǵash ret keletinin habarlaǵan edik.

AQSh ókili Qazaqstanǵa kelisimen QR Syrtqy ister mınıstri Muhtar Tileýberdimen kezdesti.

Búgin Prezıdent Qasym-Jomart Toqaev AQSh-tyń Memlekettik hatshysy Entonı Blınkendi qabyldady.