AQSh Iran porttaryna teńiz blokadasyn engizdi
ASTANA. KAZINFORM — AQSh Iran porttaryna qatysty áskerı-teńiz blokadasyn bastady. Bul sheshim prezıdent Donald Tramp belgilegen merzim aıaqtalǵannan keıin kúshine endi, dep habarlaıdy Kazinform.
Ulybrıtanııanyń teńiz saýda operatsııalary basqarmasy málimetinshe, 13 sáýir kúni Grınvıch ýaqytymen 14:00-den bastap (Astana ýaqytymen 20:00) Iran porttaryna jáne jaǵalaý aımaqtaryna teńiz arqyly qoljetimdilikke shekteýler engizildi. Bul shekteýler Parsy shyǵanaǵy, Oman shyǵanaǵy jáne Arab teńizi aýmaqtaryn qamtıdy.
UKMTO ADVISORY 035-26
— UKMTO Operations Centre (@UK_MTO) April 13, 2026
Click here to read the full advisory⤵️https://t.co/j41t1C0Hfb#MaritimeSecurity #MarSec pic.twitter.com/wxUnNCXSaV
Basqarma dereginshe, bul shekteýler Iran porttaryna, munaı termınaldaryna nemese jaǵalaý ınfraqurylymyna kiretin barlyq kemege, olardyń týyna qaramastan, qoldanylady.
Sharalar Irannyń búkil jaǵalaý syzyǵyn, sonyń ishinde porttar men energetıkalyq nysandardy qamtıdy. Sonymen qatar, Iranǵa qatysy joq porttarǵa jáne keri baǵyttaǵy Ormýz buǵazy arqyly tranzıt tolyq toqtatylmaǵany habarlandy. Alaıda kemeler ótý kezinde áskerı qatysýmen, baılanys boıynsha tikeleı nusqaý, sondaı-aq tekserý jáne baqylaý rásimderimen betpe-bet kelýi múmkin.
‼️🇺🇸🇮🇷 US naval blockade of Iran has officially begun after the military moved to restrict ships entering and exiting Iranian ports, marking a major escalation in tensions.
— War Radar (@War_Radar2) April 13, 2026
Source: Reuters pic.twitter.com/NWawcHMsJt
Iran porttarynda turǵan beıtarap kemelerge shyǵý úshin shekteýli ýaqyt berildi. Al keme qatynasy kompanııalaryna joǵary daıyndyqty saqtap, navıgatsııalyq qaýipsizdikti kúsheıtip, baılanys kezinde erekshe saq bolý usynyldy.
Buǵan deıin AQSh Ortalyq qolbasshylyǵy prezıdenttiń buıryǵyna sáıkes 13 sáýir kúni shyǵys ýaqytymen 10:00-den bastap (Astana ýaqytymen 19:00) Iran porttaryna kiretin jáne shyǵatyn barlyq teńiz qozǵalysyna blokada engiziletinin málimdegen.
Amerıkalyq qolbasshylyq blokada Parsy shyǵanaǵy men Oman shyǵanaǵy aýmaǵyndaǵy barlyq Iran portyna kiretin jáne shyǵatyn kemelerge qoldanylatynyn atap ótti.
Reuters agenttigine silteme jasalǵan teńizshilerge arnalǵan habarlamada blokada aımaǵyna ruqsatsyz kirgen nemese shyqqan kez kelgen keme ustalyp, baǵyty ózgertilip, keıinge qaldyrylýy múmkin ekeni aıtylǵan.
Vashıngton ne deıdi?
Blokada kúshine engennen keıin Donald Tramp Vashıngton Iranǵa Ormýz buǵazy arqyly álemdik qaýymdastyqty «bopsalaýǵa» jol bermeıtinin málimdedi. Ol AQSh bul baǵytqa táýeldi emes ekenin, elde Saýd Arabııasy men Reseı elderinen de kóp munaı men gaz qory bar ekenin aıtty. Sonymen qatar kóptegen memleket AQSh-tan energııa resýrstaryn jetkizýdi surap jatqanyn jetkizdi.
Osy aıada Tramp jeksenbi kúni Ormýz buǵazy arqyly 34 keme ótkenin aıtyp, bul kórsetkish shekteý engizilgennen bergi kezeńmen salystyrǵanda «aıtarlyqtaı joǵary» ekenin atap ótti.
Keıinirek ol amerıkalyq blokadaǵa jaqyndaǵan ıran kemeleri joıylýy múmkin ekenin eskertti.
"Warning: If any of these ships come anywhere close to our BLOCKADE, they will be immediately ELIMINATED, using the same system of kill that we use against the drug dealers on boats at Sea." - President Donald J. Trump 🇺🇸 pic.twitter.com/Gj9nFCfG8T
— The White House (@WhiteHouse) April 13, 2026
Tegerannyń jaýaby
Tegeran bul áreketti qatań synǵa aldy. Iran SІM resmı ókili Esmaıl Bagaı blokadany álemdik ekonomıkaǵa qarsy zańsyz soǵys dep atady.
Can an illegal “war of choice” be won through a “revenge of choice” against the global economy?!
— Esmaeil Baqaei (@IRIMFA_SPOX) April 13, 2026
Is it ever worthwhile to cut off one’s nose to spite one’s face?!
Iran qarýly kúshteri halyqaralyq sýdaǵy bul shekteýlerdi zańsyz áreket jáne qaraqshylyqqa teń dep baǵalady. Al Islam revolıýtsııasy saqshylary korpýsy Ormýz buǵazyna jaqyndaǵan kez kelgen áskerı keme qoldanystaǵy bitimdi buzady dep eskertti.
US Plan for Naval Blockade of Iran Decried as Piracy
— Tasnim News Agency (@Tasnimnews_EN) April 13, 2026
Khatam al-Anbia Central HQ condemned the US’ decision to impose restrictions on maritime transit of vessels in int'l waters, describing Trump's plan for a naval blockade of Iran as an illegal action and maritime piracy. pic.twitter.com/2JreMCZDkZ
Iran Qorǵanys mınıstrliginiń ókili Reza Talaı-Nık sheteldik áskerı kúshterdiń buǵazdy baqylaýǵa umtylysy daǵdarysty ýshyqtyryp, jahandyq energetıkalyq qaýipsizdikti turaqsyzdandyratynyn málimdedi.
Naryq pen reaktsııa
Shıelenis qarjy naryqtaryna da áser etýde. Buǵan deıin habarlanǵandaı, Ormýz buǵazy arqyly qalypty tasymaldyń jaqyn arada qalpyna keletinine senimniń bolmaýy jáne eki aptalyq bitimniń turaqtylyǵyna kúmánniń artýy aıasynda munaı baǵasy barreline 100 dollardan asty.
AQSh áreketteri aıasynda onyń odaqtastarynyń qoldaýy shekteýli bolyp otyr. Ulybrıtanııa men Frantsııa blokadaǵa qatyspaıtynyn jáne keme qatynasyn dıplomatııalyq jolmen qalpyna keltirýdi qoldaıtynyn málimdedi.
Sonymen qatar BUU Azyq-túlik jáne aýyl sharýashylyǵy uıymy Ormýz buǵazy mańyndaǵy uzaqqa sozylǵan daǵdarys tyńaıtqyshtar men energııa resýrstarynyń jetkizilýine irkilis ákelip, azyq-túlik baǵasynyń ósýin jedeldetip, ásirese kedeı elderde ınflıatsııalyq qysymdy kúsheıtýi múmkin ekenin eskertti.