AQSh Iran munaıyna jańa shekteýler engizdi

ASTANA. KAZINFORM — AQSh sanktsııalyq tizimine «kóleńkeli flottyń» birneshe tankeri men júzdegen mıllıon dollarǵa ıran munaıyn satyp alǵan qytaılyq munaı óńdeý zaýytyn qosty, dep habarlaıdy BBC. 

BBC málimetinshe, Tramp Irandy ıadrolyq jáne zymyrandyq baǵdarlamalaryn qysqartý boıynsha kelissózderge májbúrleýge tyrysyp jatyr. Jaqynda ol eldiń joǵarǵy kóshbasshysy Aıatolla Álı Hameneıge hat joldap, bas tartqan jaǵdaıda áskerı aralasý bolatynyn eskertti. Alaıda ázirge jaýap kelmedi.

Sonymen qatar, Tramp Taıaý Shyǵystaǵy Irannyń «qarsylasý osiniń» negizgi bóligi sanalatyn ıemendik hýsıtterge soqqy jasaýǵa buıryq berdi.

Buǵan deıin AQSh Iran munaıynyń Qytaıǵa jetkizilýine qarsy sanktsııalar engizgeni habarlanǵan edi.

Sondaı-aq, bıyl aqpanda AQSh Iranǵa qarsy jańa sanktsııalar jarııalady.

Iran Trampqa ıadrolyq qarý máselesi boıynsha kelissózder júrgizýden bas tartqan edi.