AQSh ımporttalatyn altynǵa baj salyǵyn salmaıdy — Tramp

ASTANA.KAZINFORM — AQSh prezıdenti Donald Tramp dúısenbi kúni altynǵa baj salyǵyn salmaıtynyn aıtty, dep habarlaıdy Reuters.

— Altynǵa tarıf qoıylmaıdy, — dep jazdy Tramp áleýmettik jelidegi paraqshasynda jarııalanǵan málimdemesinde. Ol eshqandaı málimet bermedi.

Buǵan deıin AQSh-tyń keden jáne shekarany qorǵaý qyzmeti óz veb-saıtynda Vashıngtonnyń altyn quımalaryna ımporttyq baj salyǵyn engizýi múmkin ekendigi týraly sheshim shyǵarǵan bolatyn — bul metaldy jetkizýdiń jahandyq tizbegin shaıqaýy múmkin shara, dep jazady Reuters.

Osylaısha, Donald Tramp qymbat metaldyń jalǵasyp jatqan saýda qaqtyǵystaryna tartylýy múmkin degen boljamǵa núkte qoıdy.

Buǵan deıin AQSh prezıdenti Qytaıdan keletin taýarlarǵa baj salyǵyn engizýdi taǵy 90 kúnge shegergeni habarlanǵan bolatyn.

Eske sala keteıik, Donald Tramp Aq úıde baspasóz máslıhatyn ótkizdi. Onda ol Pýtınmen aldaǵy kezdesýi týraly ne aıtqan bolatyn.