AQSh Federaldyq rezervtik júıesi bazalyq paıyzdyq mólsherlemeni qaıta tómendetti

ASTANA. KAZINFORM — AQSh Federaldyq rezervtik júıesi (FRJ) alty apta ishinde ekinshi ret federaldyq nesıe qarajattaryna arnalǵan paıyzdyq mólsherlemeni tómendetti. Bul týraly FRJ óz saıtynda jarııalady.

FRJ 29 qazanda jarııalaǵan baspasóz relızinde Ashyq naryq operatsııalary boıynsha Federaldyq komıtettiń otyrysy qorytyndysy boıynsha eseptik mólsherlemeniń 25 bazıstik pýnktke tómendetilgeni jáne qazir 3,75–4,0 paıyz aralyǵynda turǵany aıtylǵan.

Amerıkalyq vedomstvo sońǵy aılarda AQSh eńbek naryǵynda baıqalǵan táýekelderdiń ósýin óz sheshiminiń sebebi dep túsindirdi. ıAǵnı ekonomıkalyq belsendilik ortasha qarqynmen ósýde, jumyspen qamtý qarqyny báseńdegen, al jumyssyzdyq deńgeıi artyp otyr. Sonymen birge ınflıatsııa údeı tústi jáne «birshama joǵary» deńgeıde qalyp otyr.

«Federaldyq qorlar boıynsha maqsatty mólsherleme aýqymyn qosymsha túzetýdi qarastyrý kezinde Komıtet kirip jatqan derekterdi, ózgerip otyrǵan ekonomıkalyq boljamdardy jáne táýekelder balanstaryn muqııat baǵalaıdy. Komıtet 1 jeltoqsannan bastap jalpy baǵaly qaǵazdar kólemin qysqartýdy aıaqtaýǵa sheshim qabyldady. Komıtet eń joǵary jumyspen qamtýdy qamtamasyz etýge jáne ınflıatsııany 2 paıyzdyq maqsat deńgeıine qaıtarýǵa barynsha umtylady», dep jazylǵan relızde.

Aıta keteıik, Úkimettiń jabylýy AQSh ekonomıkasyn táýligine 15 mlrd dollardan aıyrýy múmkin ekenin jazǵanbyz.