AQSh bosqyndardy qabyldaý shegin jylyna 125 myńnan 7 500-ge deıin qysqartady

ASTANA. KAZINFORM – Prezıdent Donald Tramptyń jarlyǵynda bosqyndar qabyldaýdyń kóp bóligi Ońtústik Afrıka Respýblıkasynyń aq násildi azamattaryna arnalǵan bolýy kerektigi kórsetilgen, dep jazdy DW.

Salystyrý úshin, 2024 jyly Djo Baıden ákimshiligi bosqyndardy jyl saıyn qabyldaý shegin 125 000 adamǵa deıin belgilegen bolatyn. Al Tramp óz birinshi prezıdenttik merziminiń sońynda, 2020 jyly, shekti kórsetkishti 15 myń adamǵa qoıǵan.

Tramp óz qyzmetine kirisken alǵashqy kúninde osy baǵdarlamany toqtatqan, sodan beri AQSh-qa kelýshi bosqyndardyń sany azaaıǵan, negizinen afrıkanerler — XVII ǵasyrdan bastap Ońtústik Afrıkaǵa qonys aýdarǵan eýropalyq kolonızatorlardyń urpaqtary, dep habarlaıdy CNN.

Tramp ákimshiligi aq násildi fermerlerdiń Ońtústik Afrıkada násildik dıskrımınatsııa men zorlyqqa tap bolatynyn alǵa tartady. Al el bıligi bul aqparatty joqqa shyǵarady.

Dese de Tramp ýkraın bosqyndaryna AQSh-ta qalýyna ruqsat berýi múmkin ekenin jazǵan edik.