AQSh balalar men júkti áıelderge usynylatyn ekpe tiziminen COVID vaktsınasyn alyp tastady
ASTANA. KAZINFORM – AQSh-tyń densaýlyq saqtaý mınıstri Robert Kennedı-kishi X áleýmettik jelisindegi paraqshasynda elde buǵan deıin talqylanǵan COVID-19 vaktsınalaryna qatysty jańa sheshim týraly málimdedi, dep habarlaıdy Anadoly.
Kennedı endi COVID-19 vaktsınasy deni saý balalar men júkti áıelderge arnalǵan «usynylatyn ekpeler» tiziminen shyǵarylatynyn habarlady.
— Búginnen bastap COVID vaktsınasy AQSh Aýrýlardy baqylaý jáne aldyn alý ortalyǵynyń (CDC) deni saý balalar men deni saý júkti áıelderge arnalǵan usynylatyn ekpeler baǵdarlamasynan alynyp tastaldy. Ótken jyly Djo Baıden ákimshiligi balalarǵa qaıtalap býster ekpelerin salýdyń qajettiligin rastaıtyn eshqandaı klınıkalyq derekter bolmaǵanyna qaramastan, deni saý balalardy qaıta egýge úndegen edi, — dedi ol.
AQSh prezıdenti Donald Tramp pen densaýlyq saqtaý mınıstri buǵan deıin saılaýaldy naýqan barysynda COVID-19 vaktsınasyna qatysty málimdemelerimen qoǵamda qyzý pikirtalas týdyrǵan bolatyn.
Aıta ketelik Tramp COVID-19 vaktsınatsııasyn talap etetin mektepterdi qarjylandyrýǵa tyıym salǵan edi.