AQSh Avstralııaǵa et eksportyn qaıta bastaıdy

ASTANA. KAZINFORM – Avstralııa úkimeti AQSh-tan sıyr etin ımporttaýǵa qoıylǵan shekteýdi alyp tastady. Bul týraly The Hill basylymy habarlady.

AQSh-tyń burynǵy ákimshiligi atalǵan sheshimdi «saýda salasyndaǵy iri serpilis» dep baǵalap, bul amerıkalyq fermerler men mal ósirýshilerge avstralııalyq naryqqa keńirek jol ashatynyn málimdedi.

Avstralııanyń aýyl sharýashylyǵy mınıstri Djýlı Kollınz Kanberra AQSh-tan et ákelýge qatysty bıoqaýipsizdik shekteýlerin jeńildetetinin aıtty. Onyń sózinshe, tıisti baǵalaý shamamen bes jylǵa sozylǵan.

Avstralııa 2019 jyldan beri AQSh-ta, sondaı-aq Meksıka men Kanadada ósirilgen iri qara mal etiniń ımportyn tyıym salynǵan elder tizimine engizip kelgen. Bul sheshim sıyr obasy (korove beshenstvo) qaýpimen baılanysty bolǵan.

AQSh aýyl sharýashylyǵy mınıstri Brýk Rollınz bul jańalyqty «saýdadaǵy iri jetistik» dep atap, amerıkalyq ónimdi álemdegi eń qaýipsiz ári sapaly et dep baǵalady. Ol Avstralııanyń burynǵy saýda shekteýlerin «absýrd» dep atady.

Aıta keteıik, Avstralııa baı ınvestorlarǵa arnalǵan «altyn vızany» alyp tastady.