AQSh alǵash ret Gazaǵa gýmanıtarlyq kómek jiberdi

ASTANA. KAZINFORM – AQSh áskerı ushaqtardyń kómegimen Gaza sektorynyń turǵyndaryna áýemen gýmanıtarlyq kómek jetkizý operatsııasyn ótkizdi. Synshylardyń aıtýynsha, azyq-túlikti parashıýtpen túsirý amaly júk kólikterimen jetkizýden góri áldeqaıda tıimsiz. AQSh-qa deıin Gazaǵa basqa elder áýeden kómek kórsetti, dep habarlaıdy VVS. 

Úsh amerıkalyq C-130 ushaǵy BUU málimeti boıynsha, kem degende 576 myń adam ashyǵyp jatqan aımaqqa 38 myńnan astam bir kisilik tamaq jetkizdi, dep jazdy Reuters.

Konteınerler parashıýtpen túsirilgen.

Juma, 1 naýryzda AQSh prezıdenti Djo Baıden Gazaǵa áýe arqyly gýmanıtarlyq kómek jetkizý josparyn jarııalady.

Beısenbi kúni Gaza qalasynda gýmanıtarlyq júk kólikteriniń mańyna jınalǵan jurtshylyqtyń ishinde 110-nan astam palestınalyq qaza tapty.

Gazanyń HAMAS baqylaýyndaǵy densaýlyq saqtaý mınıstrligi bolǵan oqıǵa úshin Izraıldi aıyptady, al Baıden HAMAS pen Izraıl arasyndaǵy soǵysta ýaqytsha atysty toqtatýǵa qol jetkizý perspektıvalaryna alańdaýshylyq bildirdi. Izraıl ózine taǵylǵan aıyptardy joqqa shyǵardy.

«Olardyń keıbireýleri (palestınalyqtar) basqa gazalyqtardy aıaýsyz ıterip, tipti taptap, gýmanıtarlyq júkterdi urlaı bastady. Osy keleńsiz oqıǵanyń saldarynan ondaǵan gazalyq qaza taýyp, jaraqat aldy», - dedi Izraıl qorǵanys kúshteriniń ókili Danıel Hagarı.

Onyń aıtýynsha, «jaǵdaı ızraıldik áskerılerdiń baqylaýynan shyǵyp ketti».

Bul – AQSh-tyń Iordanııa Áýe kúshterimen birge júrgizgen parashıýtpen gýmanıtarlyq kómek túsirý operatsııasy Baıden jarııalaǵan alǵashqy shara boldy.