Jańa ushaqtarmen qamtamasyz etýde qandaı problema bar
ASTANA. KAZINFORM – Bıyl elge jolaýshylar tasymalyna arnalǵan jańa 9 ushaq jetkiziledi. Bul týraly Parlamenti Májilisi janyndaǵy Qoǵamdyq palata otyrysynda QR Kólik mınıstrligi Azamattyq avıatsııa komıtetiniń tóraǵasy Saltanat Tompıeva málim etti.
- Jyl saıyn elimizde áýe kóliginiń parki tolyqtyrylyp jatyr. Bıyl jańa 9 ushaq jetkiziledi dep josparlanǵan. Pandemııadan keıin álemde jolaýshylar sany aıtarlyqtaı ósti. Bul turǵyda kontsernder jańa ushaqtardy qurastyryp úlgere almaı jatyr, sondaı-aq jańa ushaqtardy jetkizý únemi keshiktirilip otyrady, - dedi S. Tompıeva.
Osy oraıda ol barsha álemde jolaýshy tasymalynda kemshilik baıqalyp jatqanyn aıtty.
Budan bólek komıtet basshysy 2025 jyly júrgizilgen avıatsııalyq qaýipsizdik aýdıtiniń nátıjesi shyqqanyn jetkizdi. Onyń negizinde elimiz 95,7 paıyz deńgeıinde baǵalanǵan.
- Bul turǵyda TMD-da elderi arasynda birinshi oryndamyz jáne álemdik deńgeıde top-20 quramyna endik, - dedi Saltanat Tompıeva.
Budan buryn habarlanǵandaı, QR Kólik mınıstri Nurlan Saýranbaev FlyArystan-nyń burynǵy qyzmetkeriniń ushaq bıletine qatysty jarııalaǵan aqparaty tekserilip jatqanyn aıtty.