AQSh 2027 jyldan bastap ıÝNESKO-dan resmı túrde shyǵady
VAShINGTON. KAZINFORM — AQSh 2026 jylǵy 31 jeltoqsannan bastap ıÝNESKO-nyń tolyqqandy múshesi mártebesinen aıyrylady, dep habarlaıdy TASS.
— Búgin AQSh ıÝNESKO Bas dırektory Odre Azýlege Amerıka Qurama Shtattarynyń ıÝNESKO-dan shyǵý týraly sheshimin resmı túrde habarlady. ıÝNESKO-ǵa múshe bolyp qala berý AQSh-tyń ulttyq múddelerine saı kelmeıdi, — delingen Memlekettik departament taratqan málimdemede.
Qujatta halyqaralyq uıym «ǵalamdyq jáne ıdeologııalyq kún tártibin» ustanyp otyrǵany atap ótilgen, al bul Vashıngtonnyń «Áýeli Amerıka» saıasatyna qaıshy keledi.
Sondaı-aq, Memdepartament málimdemesinde ıÝNESKO-nyń «Palestına memleketin» tolyqqandy múshe retinde qabyldaýy — AQSh-tyń saıasatyna múldem qaıshy keletin sheshim ekeni aıtylyp, bul uıym aıasynda Izraılge qarsy rıtorıkanyń keń taralýyna yqpal etip jatqany alǵa tartylǵan.
AQSh pen ıÝNESKO arasyndaǵy qatynas
4 aqpanda AQSh prezıdenti Donald Tramp eldiń BUU Adam quqyqtary jónindegi keńesinen jáne Palestına bosqyndaryna kómek kórsetý men olardy jumyspen qamtý jónindegi BUU agenttiginen (BAPOR) shyǵý týraly jarlyqqa qol qoıǵan bolatyn. Ol BUU qyzmetin ótkir synǵa alyp, uıymnyń «orasan zor áleýetke ıe bola tura, ony kópten beri iske asyra almaı otyrǵanyn» málimdegen.
Sonymen qatar Tramp jarlyqta AQSh pen ıÝNESKO arasyndaǵy áriptestikti qaıta qarap, uıymnyń Amerıka múddelerine qanshalyqty saı áreket etetinin tekserýdi tapsyrǵan.
Aıta keteıik, AQSh ıÝNESKO-dan alǵash ret shyǵyp otyrǵan joq: 1984 jyly prezıdent Ronald Reıgan ákimshiligi bul uıymnan «ıÝNESKO-nyń shamadan tys saıasattandyrylǵany jáne bıýdjetti beıbereket jumsaýy» sebepti shyqqan bolatyn. Keıin AQSh 2003 jyly qaıta oraldy.
2018 jyly Tramp birinshi prezıdenttik merziminde ıÝNESKO-dan taǵy da shyqty. Bul joly AQSh «uıym aldyndaǵy qaryzdardyń ósýi, qurylymdyq reformalardyń qajettiligi jáne Izraılge qatysty ustanymdaǵy ádiletsizdik» sebepti músheligin toqtatty. Al 2023 jyly AQSh uıym quramyna qaıta qosylǵan bolatyn.
Buǵan deıin Aq úı Wall Street Journal-dy Tramptyń baspasóz pýlynan alyp tastaǵanyn jazdyq.