Aqsaı qalasynda 22 jastaǵy jigitti óltirgen turǵyn ustaldy

ORAL. KAZINFORM – Aqsaı qalasynda zorlyq-zombylyqpen óltirilgen 2002 jylǵy jigittiń máıiti tabyldy.

BQO TJ departamentiniń baspasóz qyzmetinen málim etkenindeı, oqıǵa 3 shilde kúni túngi saǵat 01.00-de bolǵan. 

Bórli aýdandyq polıtsııa bóliminiń qyzmetkerleri júrgizgen is-sharalardyń nátıjesinde osy qylmysqa kúdikti retinde Aqsaı qalasynyń 27 jastaǵy turǵyny anyqtalyp, ustaldy.

«Aldyn ala tergeý málimetteri boıynsha oqıǵa týystar arasyndaǵy kıkiljińnen bolǵan. Kúdikti óz kinásin moıyndady. Ol Bórli aýdandyq polıtsııa bóliminiń ýaqytsha ustaý ızolıatoryna qamaldy. Kisi óltirý deregi boıynsha tergeý júrip jatyr. QR Qylmystyq is júrgizý kodeksiniń 201-babyna sáıkes ózge málimetter jarııa etýge jatpaıdy», - dep habarlady vedomstvodan. 

BQO TJ departamentiniń málimeti boıynsha sonymen qatar 3 shilde kúni Oral qalasynda Ýchýjnyı zaton aýdanynda «Pensıoner» saıajaı qoǵamynda úıdegi órt ornynan eki adamnyń múrdesi tabyldy. Saıajaı úıiniń otqa oranǵany týraly habar 02.34-te túsken. Órt saǵat 04.10-da oqshaýlanyp, 04.30-da sóndirilgen. Bul oqıǵanyń da mán-jaıy anyqtalý ústinde.

Eske sala keteıik, budan buryn Oralda eki kólik soqtyǵysyp, 5 adamnyń aýrýhanaǵa túskenin jazǵan bolatynbyz.