Aqparat mınıstri jýrnalısterdi «Úrker» syılyǵyna qatysýǵa shaqyrdy

ASTANA. QAZAqparat - QR Aqparat jáne kommýnıkatsııalar mınıstri Dáýren Abaev jýrnalısterdi Baspa, radıo jáne ınternet jýrnalıstıka  salasyndaǵy tuńǵysh ulttyq «Úrker» syılyǵyna qatysýǵa shaqyrdy dep habarlaıdy QazAqparat.

«Meniń oıymsha bul syılyq jýrnalısterge azdyq etedi, óıtkeni bir syılyqpen ǵana jýrnalısterdiń biliktiligin aıqyndaý múmkin emes. Jýrnalısterdiń eńbegin kásibı abyroıy boıynsha baǵalaý mańyzdy. Osy syılyqtyń arqasynda jýrnalısterdiń biliktilik deńgeıi joǵarylaıtyn bolady. Qazylar alqasynyń sheshimine, kim jeńimpaz bolatyndyǵyna bizdiń esh yqpalymyz bolmaıdy»,- dedi «Habar» arnasyndaǵy «Ashyq dıalog» jobasy sheńberindegi sózinde mınıstr.

Sondaı-aq Dáýren Abaev jýrnalıster arasyndaǵy «Tumar» birinshi ulttyq televızııalyq baıqaýynyń zor bedelge ıe bolǵandyǵyn da atap ótti.

«Tumar» syılyǵyna eń úzdikter ıe boldy, alaıda ótken baıqaý sharasyn qaraı otyryp, ondaǵy keıbir jaıttardan biz sabaq aldyq jáne ony «Úrker» syılyǵyn ótkizý kezinde mindetti túrde qaperimizde ustaıtyn bolamyz. ıAǵnı, biz qazylar alqasynyń quramy men nomınatsııalardy burynǵydan da erte jarııalaımyz, sonymen qatar  syılyqqa ıe bolǵan adamdardyń saltanatty tabystaý sharasyna daıyndyqpen kelýi jáne mindetti túrde qatysýy úshin  jeńimpaz úmitkerdiń qysqasha tizimi nemese basqa da nomınatsııalar aldyn ala habarlanady. Budan basqa baıqaýǵa buryn qatysýǵa ótinim bergen úmitkerler de qatysa alady, sondyqtan da jýrnalısterdiń belsendilik tanytyp jáne baıqaýǵa qatysýǵa ótinim berýi óte mańyzdy»,- dedi mınıstr.