Aqparat mınıstri: Elbasy Joldaýynda kezdeısoq taqyryp bolmaıdy
«Joldaýda kezdeısoq taqyryp bolmaıdy. Bul bir aıdyń ishinde jasalatyn qujat emes. Ol aýqymdy, onyń ishinde saraptamalyq jumystardyń da nátıjesi. Memleket basshysynyń ózi de Joldaý qarsańynda qoǵamnyń kóńil-kúıine zertteýler júrgizilgendigin eske salyp ótti. Sońǵy ýaqytta turǵyn úı-kommýnaldyq sharýashylyǵynyń ózekti máseleleri ásirese, tarıf túzý turǵysynda birshama arta túskenin moıyndaý kerek. Azamattar tarıftiń qalaı qalyptasatyndyǵyn jáne aqshalaryn ne úshin tóleıtindigin bilgisi keledi. Osy jyldyń tamyzynda Almatyda tarıftiń shamamen 5 mlrd teńgege zańsyz kóterilgendigin eske alsaq ta jetkilikti», - dedi Dáýren Abaev Prezıdent Joldaýyna qatysty pikirin bildire kele.
Onyń atap ótýinshe, monopolıster júıeli túrde tutynýshylardyń quqyqtaryn buzyp otyrǵan. Degenmen, ákimdiktiń, prokýratýranyń, qalalyq máslıhattyń jáne qoǵamnyń der ýaqytyndaǵy is-qımylynyń arqasynda osynaý zańsyz áreketterge tyıym salynǵan.
«Azamattarǵa shyǵyndary ótelip berildi. ıAǵnı, mundaı jaǵdaıda monopolııaǵa qarsy qyzmetpen qatar, jergilikti jerdegi bılik pen azamattyq qoǵamnyń da jumysy sonshalyqty mańyzdy», - dedi mınıstr.
Mınıstr Dáýren Abaev «Ashyq dıalog» baǵdarlamasy barysynda Elbasynyń balabaqshalar, mektepter men JOO-lardaǵy máselelerdi sheshýge qatysty júktegen tapsyrmalaryna oıyn bildirdi. Sondaı-aq Joldaýda Іshki ister mınıstrligi aldynda turǵan reformalardyń basty sulbasy aıqyndalǵanyn atap ótti.
Aıta keteıik, bıylǵy 5 qazanda halyqqa kezekti Joldaýyn jarııalaǵan Nursultan Nazarbaev kórsetiletin qyzmetterge tarıfterdi retke keltirý máselesine toqtalyp, turǵyndardan jınalǵan qarajattyń qaıda jumsalatyndyǵy ashyq emestigin basa aıtqan bolatyn.
