Aqmolalyqtardyń 50 paıyzy koronavırýsqa qarsy vaktsına aldy

KÓKShETAÝ. QazAqparat - Aqmola oblysynda halyqty koronavırýsqa qarsy vaktsınatsııalaý naýqany qalaı júrip jatyr. Bul týraly brıfıngte aımaq basshysy Ermek Marjyqpaev málim etti, dep habarlaıdy QazAqparat tilshisi.

«Búgingi tańda koronavırýs pandemııasymen kúresýdiń bir ǵana tıimdi joly bar, ol - vaktsınatsııa. Sondyqtan qazirgi kezde bizdiń oblysta 300 myńnan astam adam vaktsınatsııalandy - bul vaktsınatsııalaýǵa jatatyndardyń 64 paıyzy, ıaǵnı birinshi komponentin alǵandar. Ekinshi komponent 58 paıyz adamǵa egildi. Bul jumys turaqty negizde jalǵasýda. Bıznes te qosyldy. Búginde bıznes adamdardy vaktsınatsııalaýǵa yntalandyrady»,- dedi Aqmola oblysynyń ákimi OKQ kóshpeli baspasóz máslıhaty barysynda.

Sondaı-aq, aımaq basshysy óńirge ótken aptada 35 myńnan astam Pfizer vaktsınasy jetkizilgenin atap ótti.

«Búgingi tańda ata-analardyń jazbasha ruqsatymen 1000-ǵa jýyq bala vaktsınatsııalaýǵa daıyn, olardyń 500-i vaktsınatsııadan ótti. Alǵashqy bolyp Kókshetaý qalasynyń medıtsınalyq kolledjiniń stýdentteri egildi. Revaktsınatsııa bastaldy. Nátıjeler bar», - dep naqtylady E.Marjyqpaev.

Buǵan deıin ákim óńirdegi koronavırýs boıynsha epıdemıologııalyq jaǵdaı týraly aıtyp, azamattardyń basym bóligi karantındik shekteýlerdi saqtamaıtynyn atap ótken bolatyn.

Búginde oblys «qyzyl» aımaqtan «saryǵa» aýysyp otyr.