Aqmolalyqtar «Nurly jer» baǵdarlamasy boıynsha baspanaly boldy
Jańa turǵyn úıdi tapsyrý saltanatyna aýdanǵa jumys saparymen barǵan aımaq basshysy Málik Myrzalın qatysyp, quttyqtaý sóz sóıledi.
Turǵyn úı qurylysy oblystyq bıýdjetten bólingen 105,2 mıllıon teńge qarjyǵa salynǵan. Jumysty merdiger «Stroı Tsentr Kokshetaý» jaýapkershiligi shekteýli seriktestigi júrgizgen. Bul aýdanda «Nurly jer» baǵdarlamasy boıynsha salynyp otyrǵan alǵashqy turǵyn úı. Baspanaly bolǵandardyń arasynda balalar úıiniń tárbıelenýshileri, memlekettik qyzmetshiler, bıýdjettik sala qyzmetkerleri jəne soǵys ardagerleri bar. Sonyń biri Belorýs, Latvııa, Lıtva jəne Polshany azat etýge qatysqan 91 jastaǵy soǵys ardageri Grıgorıı Cherevko óńirde Elbasy Nursultan Nazarbaevtyń halyqty baspanamen qamtamasyz etý baǵytynda alǵa qoıǵan mindetteri men «Nurly jer» memlekettik baǵdarlamasyn júzege asyrylyp jatqandyqtary úshin oblys basshysyna alǵysyn bildirdi.
«Kópten kútken qýanyshyma qol jetkizip otyrmyn. Jańa eki bólmeli páterdiń kiltin aldym», - dedi soǵys ardager.
