Aqmolalyq polıtseıler merekelik nagradalarmen marapattaldy
Sharaǵa Aqmola oblysynyń ІІD basshysy, polıtsııa polkovnıgi Erjan Sádenov qatysyp, áriptesterin merekemen quttyqtady.
«Memleketimizdiń Konstıtýtsııasy - bul bizdiń bereke-birligimizdiń, quqyǵymyz ben erkindigimizdiń, ultaralyq kelisim men elimizdiń gúldenýiniń kepili bolyp tabylady. Búginde elimizde saıası, ekonomıkalyq turaqtylyqqa qol jetkizilip, memleketimiz nyǵaıyp keledi. Osy rette, qoǵamnyń tynyshtyǵyn saqtaýda polıtsııa qyzmetkerlerine zor mindetter júktelip otyr. Muny árbir tártip saqshysy jete túsinip, óz qyzmetine adal bolýy tıis», - dep atap ótti Erjan Sádenov.
Saltanatty shara barysynda QR ІІM buıryǵymen qyzmetik mindetin atqarýda adaldyq tanytqan 20-dan astam polıtsııa qyzmetkeri marapattaldy. Onyń ishinde Jergilikti polıtsııa qyzmetiniń basshysy, polıtsııa polkovnıgi Serik Baımuqanov «Quqyq tártibin qamtamasyz etýgi qosqan úlesi úshin» medali, Krımınaldy polıtsııa basqarmasynyń basshysy Talǵat Asylbekov «Іshki ister organdarynyń ardageri» medali, polıtsııa maıory Meıram Syzdyqov, polıtsııa kapıtany Qanat Otarbaev, polıtsııa kapıtany Jeńis Aqqoshqarov jáne aǵa leıtenant Renat Aıtqojın І, ІІ jáne ІІІ dárejeli «Іshki ister organdarynyń minsiz qyzmeti úshin» medalderimen marapattaldy.
Sonymen qatar, quqyq qorǵaý organdarynda qyzmet isteıtin ózge de aqmolalyq polıtseıler QR ІІM buıryǵymen tósbelgi, qurmet gramotasy jáne Alǵys hattarǵa ıe boldy.
