Aqmolalyq maıdanger-sýdıalar týraly málimetter Zerde kitabyna engizildi

ASTANA. QazAqparat - Aqmola oblysynyń maıdanger-sýdıalary týraly málimetter Zerde kitabyna engizildi, dep habarlaıdy oblystyq sottyń baspasóz qyzmeti.

2016 jyldyń qazan aıynda shaıqasqa qatysýshylarǵa arnalǵan Aqmola oblysynyń Zerde kitaby basyp shyǵaryldy.

Zerde kitabynda Aqmola oblysynda turǵan jáne 1941-1945 jyldary áskerge shaqyrylyp, shaıqastarǵa qatysqan Uly Otan soǵysynyń ardagerleri týraly málimetter jınaqtalǵan.

Zerde kitabynda Aqmola-Kókshetaý óńirleriniń maıdanger-sýdıalaryna bólim arnalǵan, uly shaıqastarǵa qatysqan, al soǵystan keıin Aqmola (buryńǵy Kókshetaý) oblysynyń sottarynda sot tóreligin atqarýda eńbegin jalǵastyrǵan 27 maıdanger-sýdıalar jóninde málimetter jazylǵan.

Zerde kitabyna arnalǵan sýdıalar jóninde málimetterdi jınaý boıynsha Aqmola oblystyq sotynyń ardager-sýdıalar keńesiniń tóraǵasy Meıram Ǵıbádilov úlken jumys atqardy.