Aqmolalyq azamat úıinde gollandııalyq qarasora ósirgen
Aqmolalyq azamat óziniń úıinde gollandııalyq qarasora ósirgen, dep habarlaıdy Kazinform Polisia.kz-ke silteme jasap.
30 jastaǵy Shortandy aýdanynyń týmasy óz úıinde esirtki zerthanasyn uıymdastyryp, bólmelerdiń birin jylyjaı retinde jabdyqtaǵan. Gollandııalyq qarasora tuqymyn aýyl turǵyny poshta arqyly tapsyrys berip, ósimdikterdi ósirýge arnalǵan qajetti jabdyqty satyp alǵan.
Bir qyzyǵy, otbasynyń basqa músheleri jeke bólmeniń maqsaty týraly bilgen jáne zańsyz áreketterge eshqandaı kedergi keltirmegen.
Polıtseıler arnaıy operatsııany “Dármek” jedel-profılaktıkalyq is-sharasy aıasynda júrgizdi. Tergeý áreketteriniń nátıjesinde aýyl turǵynynyń úıinen salmaǵy 545 gramm bolatyn 20 buta mólsherinde qarasora túrindegi ósip kele jatqan ósimdik tárkilendi.
Munda jedel ýákilder jaryqtandyrý qurylǵylaryn, tyńaıtqysh suıyqtyqtaryn jáne basqa qurylǵylardy tapty.
Bul fakti QR QK-niń 296-baby 2-bóligi (Esirtki quraldarymen zańsyz jumys isteý) boıynsha sotqa deıingi tergep-tekserýlerdiń biryńǵaı tiziliminde tirkelgen. Tergeý júrgizilip jatyr.
