Aqmolada «Volunteer.KZ» oblystyq forýmy ótti

KÓKShETAÝ. QazAqparat – Aqmola oblysynyń Stepnogor qalasynda Eriktiler jyly qarsańynda «Volunteer.KZ» oblystyq forýmy ótti, dep habarlaıdy QazAqparat tilshisi.

Eriktiler qyzmeti ıdeıasyn, qaıyrymdylyqty jáne azamattyq bastama belsendiligin arttyrýǵa baǵyttalǵan sharaǵa oblystyń ári óńirinen jınalǵan 200 delegat qatysty. Jınalǵandar aldynda qala basshysy Erkebulan Baıahmetov sóz sóılep, búgingi qoǵam úshin eriktiler jumysynyń mańyzdylyǵyna toqtaldy.

«Búgingi jastar – halyqtyń uıymdasqan, belsendi toby, jańa ıdeıalardyń qozǵaltqyshy, qoǵamnyń ómirlik kúshi men qýat kózi bolyp tabylady. Jastar elimizdiń keleshegi ǵana emes, búgingisi», - dedi qala ákimi E. Baıahmetov.

TEDx formatynda ótken sharada qatysýshylar áriptestikti nyǵaıtý, eriktiler jumysyn, eriktiler jobasy men sheshendik sheberlikti damytý máselelerin talqylady.

«Jenskıı Lých» QB dırektory Oksana Volkova-Mıhalskaıa, «Desantnoe bratstvo» QB dırektory Vladımır Sovetov, «Balapan» QB dırektory Evgenııa Ovchınnıkova, «Zhas Urpak» bastamashyl toptyń tóraǵasy Zarına Sálimova, «Tańsholpan» qalalyq balalar men jasóspirimder» QB ókili Mılana Lomakına, Krıstına Kovalenko óz oılaryn ortaǵa saldy.

«Volunteer.KZ» forýmyna qatysýshylar úshin «Stepnogorsk – jarqyn qala!» atty ekskýrsııa uıymdastyryldy. Forýmnyń sońy kontserttik baǵdarlamaǵa ulasyp, úzdik qatysýshylar estelik syılyqtarmen marapattaldy.