Aqmolada respýblıkalyq bilim lageriniń birinshi aýysymy ashyldy
Sharaǵa QR Qoǵamdyq damý mınıstri Darhan Káletaev, Aqparat jáne kommýnıkatsııalar vıtse-mınıstri Nurgúl Maýberlınova, Aqmola oblysynyń ákimi Málik Myrzalın jəne «Kazkontent» AQ Basqarma tóraǵasy Evgenıı Kochetov qatysyp, quttyqtaý sóz sóıledi.
«Elbasymyz N.Nazarbaev óziniń «Rýhanı jańǵyrý» maqalasynda «Bolashaqta ulttyń tabysty bolýy básekege qabilettiligimen aıqyndalady. Sondyqtan, árbir qazaqstandyq HHІ ǵasyrǵa laıyqty qasıetterge ıe bolýy kerek» dep atap ótti. Búgingi basqosýymyzdyń negizgi maqsaty -bilimdi, qabiletti, ulttyq rýhy bıik, parasatty jastardy qalyptastyrý. Qazaqstannyń bolashaǵy - bilimdi jáne tárbıeli jastardyń qolynda. Sizderdiń usynǵan jańa jobalaryńyz álemniń básekege qabiletti 30 eliniń qataryna kirýge yqpal etedi dep senemin», - dedi aımaq basshysy quttyqtaý sózinde.
Uıymdastyrýshylardyń aıtýynsha, atalmysh lager Zerendidegi «Suńqar» saýyqtyrý kesheni men «Aurora Garden» demalys ortalyǵynda bıylǵy 12-26 tamyz aralyǵynda 3 taqyryptyq aýysymda ótkiziledi. 1 aýysym - «Digital-urpaq», «Pokolenıe Digital», «Digital generation», 2 aýysym - «Jańǵyrý trendteri», «Trendy modernızatsıı», «Trends of Modernization», 3 aýysym - «Bıznes sıqyry», «Magııa bıznesa», «Magic of business» .
Lager qatysýshylary - jastar uıymdarynyń kóshbasshylary, jas kásipkerler, elimizdiń barlyq óńirlerinen «Qazaqstannyń 100 jańa esimi» jobasynyń qatysýshylary. Barlyǵy -300 adam (aýysymda 100 adam). Lager jastar saıasatynyń, bıznes pen social-medıadaǵy jańa tehnologııalardy úıretý, tájirıbe almasý jáne jastar saıasatynyń úderisterin jetildirýdiń tıimdi tetikterin ázirleý, jastar áleýetin damytý arqyly Memleket basshysy jarııalaǵan 5 mega-trendin talqylaýdyń biregeı alańy bolady.
Lagerde bilim berý baǵdarlamalary (semınarlar, trenıngter, master-klastar, suhbat alańdary), tanymal qazaqstandyq jáne saıası qaıratkerlermen kezdesýler, taqyryptyq jobalardy ázirleý, olardy usyný jáne derekqordy qalyptastyrý boıynsha úzdik jobalar men ıdeıalar iriktelip, tizilimi jasalady.
