Aqmolada poıyz qaǵyp ketken er adam kóz jumdy

KÓKShETAÝ. QazAqparat - Aqmola oblysynyń Ereımentaý aýdany aýmaǵynda júk poıyzynyń astyna túsken er adam kóz jumdy, dep habarlaıdy QazAqparat tilshisi.

«QTJ-Júk tasymaly» AQ baspasóz qyzmetiniń málimeti boıynsha, oqıǵa 30 qańtarda saǵat 21:32 shamasynda Pavlodar jol bólimshesiniń Ereımentaý stansasynda oryn alǵan.

«Temirjoldyń ústinde bógde adamnyń júrgenin baıqaǵan júk poıyzynyń mashınısi dabyl qaǵyp eskertken jáne shúǵyl tejegishti basqan. Alaıda aýyr kólik toqtap úlgermeı er adamdy poıyz astynda qalǵan. Er adam túrli dárejedegi dene jaraqatymen aýrhanaǵa jatqyzyldy. Bastapqy málimet boıynsha zardap shegýshi mas kúıde bolǵan. Oqıǵaǵa baılanysty arnaıy komıssııa qurylyp, oqıǵa boıynsha Ereımentaý stansasynyń Іshki ister jelilik bólimi tergeýdi bastady», - dep túsindirdi QazAqparat tilshisiniń saýalyna «QTJ-Júk tasymaly» AQ baspasóz qyzmetindegiler.

Al Ereımentaý aýdandyq ortalyq aýrhanasynyń dárigerleri bergen málimetke qaraǵanda er adamnyń jasy 50-ler shamasynda. Aty-jóni belgisiz. Dárigerler jedel qyzmet kórsetkenimen ómirine arasha túse almady. Er adam araǵa birneshe saǵat salyp jansaqtaý bóliminde kóz jumǵan.