Aqmolada orman sharýashylyǵy salasynda jemqorlyq táýekelderi anyqtaldy
«Antikor.live» jobasy aıasynda tikeleı efır barysynda Sybaılas jemqorlyqqa qarsy is-qımyl agenttiginiń Aqmola oblysy boıynsha departamenti basshysynyń birinshi orynbasary Arman Berdalın orman sharýashylyǵy jáne janýarlar dúnıesi salasyndaǵy anyqtalǵan sybaılas jemqorlyq táýekelderi týraly baıandady.
Óz sózinde spıker oblystyq Orman sharýashylyǵy jáne janýarlar dúnıesi ınspektsııasy qyzmetindegi sybaılas jemqorlyq táýekelderin syrtqy taldaý nátıjesinde anyqtalǵan sybaılas jemqorlyq kórinisterine ákelýi múmkin birqatar eleýli kemshilikter men olqylyqtardy atap ótti.
Sybaılas jemqorlyq táýekelderin taldaý ınspektsııanyń qyzmeti zańsyz oljalanǵan ónimderdi, qylmys quraldaryn, onyń ishinde brakonerlik maqsatta paıdalanylatyn kólik quraldaryn saqtaý, joıý jáne alyp qoıý tártibin kózdeıtin vedomstvolyq nusqaýlyqpen reglamenttelmegenin anyqtaldy.
Laýazymdy adamǵa óz qalaýy boıynsha sheshim qabyldaýǵa múmkindik beretin tulǵalardy ákimshilik jaýapkershilikke tartý máselelerinde, sondaı-aq, ákimshilik jaýapkershilikten jaltarý jáne keltirilgen zalaldy óteý máselelerinde dıskretsııalyq ókilettiktiń bolýy sybaılas jemqorlyq táýekelderin týdyrady. Mysaly, ınspektsııanyń ótken jylǵy qyzmetin taldaý qorytyndysy boıynsha, osy memlekettik organnyń mamandary tabıǵat qorǵaý zańnamasynyń talaptaryn saqtalýyn baqylaýdy júzege asyrý kezinde kóp jaǵdaıda orman sharýashylyǵy jáne janýarlar dúnıesi salasyndaǵy buzýshylarǵa ákimshilik aıyppul salý emes, olarǵa eskertýmen shektelgeni anyqtaldy. QR Ákimshilik quqyq buzý týraly kodeksiniń 382-babynda janýarlar dúnıesin paıdalaný talaptaryn jáne (nemese) ań aýlaý erejelerin buzǵany úshin qylmystyq jaza qoldanylatyn áreket belgileri joq jeke tulǵalarǵa eskertý nemese aıyppul kózdelgen.
Qyzmet boryshy boıynsha janýarlar álemin qorǵaýǵa shaqyrylǵan qoryqshy ózderi brakoner nemese olardyń kómekshilerine aınalǵan jáıttar erekshe másele týdyrady. Mysaly, qańtar aıynda brakonerlikpen aınalysqan ańshylyq sharýashylyǵynyń qoryqshysy ustaldy. Odan eki uńǵyly ańshy myltyǵy, bir elik pen ań sharýashylyǵyna tıesili qarda júretin qurylǵy tabyldy.
Jumysqa qabyldaý kezinde jeke tulǵany zertteýge erekshe mán berilmeıdi. Osyǵan baılanysty ańshylyq jáne balyq sharýashylyǵy sýbektileriniń qoryqshylyq qyzmeti týraly Úlgi erejede tabıǵat qorǵaý zańnamasyn buzǵany úshin, onyń ishinde brakonerligi úshin buryn ákimshilik jáne qylmystyq jaýapkershilikke tartylǵan adamdardy qabyldaýǵa tyıym salýdy kózdeıtin normalardy jazý kerek.
«Taldaý qorytyndysy boıynsha biz birqatar tıisti usynystar ázirledik. Mysaly, quqyq buzýshylyq, izge túsý, ustaý jáne zańsyz aýlaý quraldary men zattaryn alyp qoıý sátinen bastap qoldanylatyn beınetirkeýishterdi satyp alý qajet. Sondaı-aq, ınspektorlardyń neǵurlym tıimdi jáne utqyr jumysy úshin ushqyshsyz ushatyn apparattardy satyp alýdy usynamyz, bul naqty ýaqyt rejıminde zańsyz ań aýlaý men balyq resýrstaryn aýlaý monıtorıngin júrgizýge múmkindik beredi», - dedi Arman Berdalın.
Aıta ketý kerek, qazirgi ýaqytta anyqtalǵan sybaılas jemqorlyq táýekelderin joıý boıynsha usynystardy oryndaý boıynsha jospar bekitildi. Aldaǵy ýaqytta departament onyń iske asyrylýyna monıtorıng júrgizedi.
