Aqmola oblysynda ıesi kútim jasamaǵan 37 sý qoımasy memleketke qaıtaryldy
Aqmola oblysynyń tabıǵat qorǵaý prokýratýrasy bekitilgen 37 sý qoımasy men kásipshilik ýchaskelerin memleketke qaıtardy. Aýdany 10-nan 1900 gektarǵa deıin, dep habarlaıdy Kazinform.
Osylaısha prokýratýra júrgizgen taldaý arqyly bekitilgen sý qoımalaryn paıdalaný kezinde óreskel buzýshylyqtar anyqtaldy.
Atap aıtqanda, balyq aýlaý erejesi júıeli túrde buzylǵan, balyq resýrstaryn qorǵaıtyn qoryqshylyq qyzmetter bolmady, balyq aýlanbady, melıoratsııalyq jáne bitelýge qarsy is-sharalar múldem nazardan tys qaldy.
Sondaı-aq, balyq aýlaý lımıti ıhtıofaýnany mindetti bıologııalyq tekserýsiz bekitildi.
Qalyptasqan jaǵdaıdy túzetý úshin oblys ákimdigi men balyq ınspektsııasyna prokýrorlyq qadaǵalaý aktisi jiberildi.
Sotqa deıingi jumystar men sot talqylaýynyń nátıjesinde buzýshylyqtardy joıý týraly 73 habarlama men usynym berildi.
Bekitilgen 397 sý qoımasy men kásipshilik ýchaskeleriniń 37-si memleketke qaıtaryldy. ıAǵnı, árbir 10 sý qoımasy óz maqsatyna saı paıdalanylmaǵan.
Qazirgi ýaqytta adal emes paıdalanýshylarmen balyq sharýashylyǵyn júrgizýge arnalǵan shartty buzý týraly 2 talap sotta qaralyp jatyr.
Balyq sharýashylyǵy memleketimizdiń bıoártúrliliginiń jańartylatyn kózi retinde mańyzdy, onyń negizgi mindeti — ıhtıofaýna resýrstaryn saqtaý jáne kóbeıtý.
