Aqmolada áleýmettik osal toptaǵy otbasylar baspanaly boldy
Táýelsizdik merekesine oraı Býrabaı aýdanynda halyqtyń áleýmettik osal toptary sanatyna kiretin turǵyndarǵa 11 páterdiń kilti tabys etildi, dep habarlaıdy Kazinform tilshisi.
Baspanaly bolǵandardyń arasynda zeınetkerler, múmkindigi shekteýli jandar jáne tolyq emes otbasylar bar.
«Baspana kezeginde turǵyndardy satyp alý quqyǵynsyz jalǵa beriletin turǵyn úımen qamtamasyz etý — halyqtyń áleýmettik osal toptary sanatyna úlken qoldaý. Páterler respýblıkalyq bıýdjet qarajaty esebinen satyp alyndy, mundaǵy basty talap — bir páterdiń quny 9,6 mln teńgeden aspaýy tıis», — dedi Býrabaı aýdany ákimdiginiń baspasóz qyzmetinen.
Aı saıynǵy jaldaý aqysy páterdiń aýdanyna baılanysty anyqtalady.
Kommýnaldyq tólem men úıdi kútip ustaý qyzmetteri qosymsha tólenedi.
Jeńildikti shartpen jalǵa alý buryn jeke tulǵalardan aıyna 70 000-nan 120 000 teńgege páter jaldap kelgen otbasylarǵa qarjylyq júktemeni aıtarlyqtaı tómendetedi.
Páter kiltin alǵandardyń keıbiri jeńildetilgen baspanany 15 jyldan astam ýaqyt kútken.
Ákimdik áleýmettik jaǵynan az qamtylǵan otbasylardy jalǵa beriletin pátermen qamtamasyz etý jumysyn jalǵastyra bermekshi.
Aıta ketsek, budan buryn Aqmola oblysynda jańa mektep paıdalanýǵa berilgen edi.
