Aqmolada alaıaqtyq jasady degen kúdikpen túrme bastyǵy ustaldy

KÓKShETAÝ. KAZINFORM — Aqmola oblysynda alaıaqtyq jasaǵan degen kúdikpen Stepnogor qalasynyń № 4 mekeme bastyǵy, ádilet podpolkovnıgi Asylhan Bıttigulov ustaldy.

«Aqmola oblysy boıynsha QAJD ózindik qaýipsizdik toby men Aqmola oblysy polıtsııa departamentiniń jeke qaýipsizdik basqarmasy qyzmetkerleri birlesip, QR QK 190-babynda kózdelgen qylmys jasady degen kúdikpen Stepnogor qalasyndaǵy № 4 mekeme bastyǵy, ádilet podpolkovnıgi Asylhan Bıttigulovty ustady», — dep habarlady Aqmola oblysy boıynsha QAJD baspasóz qyzmetinen.

Vedomstvodan atap ótkendeı, QR QІJK 201-babyna sáıkes ózge aqparat jarııalanbaıdy. 

Aıta ketsek, munyń aldynda aqmolalyqtardyń aqshasyn jymqyrǵan alaıaqtar 6 jylǵa sottalǵanyn jazǵan edik.