Aqmola jáne SQO qutqarýshylary sý tasqyny jaǵdaıyn baǵalady
ASTANA. KAZINFORM — Sý tasqyny jaǵdaıyn baǵalaý aıasynda Aqmola jáne Soltústik Qazaqstan oblystary garnızondarynyń basshylary jumys keńesin ótkizip, Seleti sý qoımasynan sý jiberilýi múmkin aımaqta ornalasqan sý basý qaýpi bar eldi mekenderge áýeden sholý júrgizdi.
Áýeden sholý barysynda qar qorynyń kólemi baǵalanyp, Seleti sý qoımasynan erigen qar sýy jiberiletin Seleti ózeniniń arnasy tekserildi. Gıdrotehnıkalyq qurylystardyń jaǵdaıyna jáne ózen arnasynyń sý ótkizý qabiletine erekshe nazar aýdaryldy.
Іs-shara qorytyndysy boıynsha Seleti sý qoımasynyń jumys rejımine qatysty ózekti máseleler talqylanyp, sý tasqyny kezeńinde ony tıimdi paıdalaný boıynsha usynystar ázirlendi.
Jaǵdaı turaqty baqylaýda, qabyldanyp jatqan sharalar yqtımal qaýipterdi azaıtýǵa jáne halyqtyń qaýipsizdigin qamtamasyz etýge baǵyttalǵan.
Aıta ketelik SQO-da muz jarý jumystary jalǵasyp jatyr.