Temirjol boıynda tasqynǵa qarsy sharalar qarqyndy júrip jatyr
ASTANA. KAZINFORM – Kólik mınıstrligi, «QTJ» UK» AQ jáne jergilikti atqarýshy organdarmen birlesip Aqmola magıstraldyq jelisi bólimshesinde kópirlerdiń, sý ótkizgish qubyrlardyń jáne temirjol ınfraqurylymynyń sý tasqyny kezeńine daıyndyǵyn tekserdi.
Tekserý barysynda Astana – Jaltyr – Atbasar ýchaskesi zertteldi. Sý ótkizgish qubyrlardy jáne tasqyn sýlardyń qaýipsiz ótýin qamtamasyz etetin tórt iri kópirdi tazartý boıynsha jumystar tıisti deńgeıde júrgizilip jatqany atap ótildi.
Bul ýchaskede sý tasqyny qaýpi bar 10 ýchaske zertteldi jáne olar erigen sýdyń qaýipsiz ótýin qamtamasyz etedi. Jalpy, jol bólimshesi boıynsha sý tasqynyna qarsy 4 poıyz quryldy. Sý tasqyny kezeńinde jedel áreket etý úshin qajetti ınertti jáne qurylys materıaldary, onyń ishinde 150 tekshe metr býtty tastar, 700 temirbeton shpaldar, bir metall qurylǵy jáne 4 ınventarlyq rels paketteri daıyndaldy. Astana – Atbasar – Esil ýchaskesindegi kópirler men jasandy qurylystardy tazartý jumystary 90%-ǵa oryndaldy. Qardan tazartý boıynsha qalǵan jumystar josparly túrde jalǵasyp jatyr.
Qosymsha 6 sý oımasyna tekserý júrgizildi, sáýir aıynyń birinshi onkúndigine Jabaı ózeninde burǵylaý-jarý jumystary josparlanǵan. Sondaı-aq, Kolýton ózenin tereńdetý jáne Kolýton aýylynyń aınalasynda qorǵanys bógetin salý jumystaryn kúsheıtý qajettiligi atap ótildi.
Aıta ketelik qaı óńirlerde sý tasqyny qaýpi joǵary ekenin jazǵan edik.