Aqmola oblysynyń eksporttyq áleýeti artyp keledi
Oblystyq kásipkerlik jáne ónerkásip basqarmasynyń basshysy Erbol Ospanovtyń málimetinshe, bıylǵy jyldyń 8 aıynda eksporttyń jalpy kólemi ótken jyldyń kezeńimen salystyrǵanda 15,4 paıyzǵa artyp, 305 mıllıon teńgeni qurady. 2020 jylǵy qańtar-tamyzda shıkizattyq emes eksport 123,8 mıllıon teńge boldy. Oblys eksportynyń jalpy kólemindegi shıkizattyq emes eksporttyń úlesi 40,6 paıyzdy qurady.
«Memleket basshysynyń Qazaqstan halqyna Joldaýy aıasynda erekshe nazar aýdarǵan jumysynyń mańyzdy baǵyttarynyń biri - eksportty damytý. Shet eldermen syrtqy ekonomıkalyq baılanystardy damytý basym mindetterdiń biri bolyp tabylady. Eksport álemniń 26 elinde júzege asyrylady, olardyń ishinde Reseı Federatsııasy, Tájikstan, Ózbekstan jáne Belarýs Respýblıkasy sııaqty memleketter oblys úshin joǵary eksporttyq qyzyǵýshylyq týdyrady», - dep atap ótti vedomstvo basshysy.
Oblysta podshıpnıkter, un, et jáne sút ónimderi, taýyq jumyrtqasy, ósimdik maıy, sýsyndar, polıetılen men polıpropılennen jasalǵan qaptar, avıatsııalyq buıymdar óndiretin 50-ge jýyq eksporttaýshy kompanııa jumys isteıdi.
Jaqyn arada eksportqa baǵdarlanǵan jańa óndirister-qýaty saǵatyna 18 tonna qurama jem zaýyty, qýaty jylyna 50 myń tonna qus fabrıkasy jáne «UnicornHoldingsLtd» ChK qýaty jylyna 50 myń tonna shoshqa kesheni iske qosylady.
Tselınograd aýdanynda «AquaFactoria» JShS-de jyldyq qýaty 5000 kılogramm bekire ýyldyryǵyn shyǵaratyn jáne «TAGA Group» JShS-de jyldyq qýaty 500 tonna forel óndiretin fermalar bar.
