Aqmola oblysynyń ákimdigi men «BJZQ» memorandýmǵa qol qoıdy
Sharaǵa oblys aktıvi men qarjy mekemeleriniń basshylary qatysty. Oblys ákimi ekijaqty memorandým uzaq merzimdi jemisti jumys isteýge negiz bolatynyna senim bildirip, zeınetaqy qory týraly aqparattandyrý baǵytynda biraz sharýalar atqarylyp jatqanyn, áli de nazar aýdaratyn máseleler bar ekendigin atap ótti.
«BJZQ» AQ basqarma tóraıymy qurylǵanyna jıyrma jyl tolǵan zeınetaqy jınaqtaý qorynyń osy kezeń ishinde kóptegen qıyndyqtardy jeńe otyryp, aıtarlyqtaı nátıjelerge qol jetkizgendigin, búgingi kúni jınaqtalǵan qor kólemi jalpy ishki ónimniń 15 paıyzyn quraıtynyn aıtty. Degenmen de, barlyq kásiporyndar men mekemeler jınaqtaýshy qorǵa aqsha aýdara bermeıdi. Bunyń ózi adamdardyń zeınetaqy deńgeıine eleýli áserin tıgizedi. «Oblys ákimdigimen jasalǵan memorandým osy baǵyttaǵy jumystardy jandandyrýǵa ıgi yqpalyn tıgizedi dep senemin» dedi «BJZQ» AQ basqarmasynyń tóraıymy.
Zeınetaqy jınaqtaýshy qorynyń qazirgi jaı-japsary týraly beınebaıan kórsetilip, onda elimizdegi jáne oblysymyzdaǵy zeınetaqy qoryna aqsha aýdarý jaıynda jan-jaqty málimetter qamtyldy.