Aqmola oblysynda Ýnıversıada alaýgerleriniń esimderi belgili boldy
Uıymdastyrýshylardyń məlimeti boıynsha ýnıversıada alaýynyń ótetin joly 22 500-den astam shaqyrymdy quraıdy jəne onyń 200 shaqyrymyn alaýgerler júrip ótpek. Estafeta alaýy qalǵan 22 300 shaqyrymdy Almatyǵa deıingi jolda ótkizedi.
29 qańtarda Ýnıversıada-2017 is-sharasynyń resmı ashylý saltanaty ótedi. Al, 26 qańtarda Kókshetaý qalasyndaǵy Təýelsizdik alańynda saǵat 10.00-de Ýnıversıada alaýyn tutatý saltanaty ótedi.
Aqmola oblysynda alaýgerlerdiń qatarynda 2013 jyly Trentınoda (Italııa) ótken Búkiləlemdik qysqy ýnıversıadanyń chempıony Tatıana Osıpova, əıelder arasyndaǵy bokstan əlem chempıony Dına Jolaman, «Erligi úshin» medaliniń ıegeri, tórt balany ajaldan aman alyp qalǵan polıtsııa serjanty Danııar Amanjol, oblystyq jastar resýrstyq ortalyǵynyń jetekshisi Tımýr Ysqaqov, qoıan-qoltyq urys boıynsha bapker Dastan Raqymjanov jəne joǵary oqý oryndarynyń mańdaıaldy stýdentteri men halyqaralyq stýdenttik sport federatsııasynyń ókilderi bar.
