Aqmola oblysynda túlek UBT-ǵa telefon jáne shpargalka ótkizbek bolǵan
Vedomstvonyń málimetinshe, oblysta UBT tapsyratyn 11 pýnkti jumys isteıdi. Onyń úsheýi Nur-Sultan qalasynyń joǵary oqý oryndarynda uıymdastyrylǵan, onda Arshaly, Qorǵaljyn jáne Tselınograd aýdandarynyń túlekteri test tapsyrady. UBT tapsyrý barysynda sanıtarlyq talaptar qatań saqtalǵan.
«Pandemııa kezinde UBT sapaly jáne oıdaǵydaı ótkizý úshin áleýmettik jaǵynan az qamtylǵan otbasylardan shyqqan túlekterdi sanıtarlyq talaptardy saqtaı otyryp test tapsyrý oryndaryna tasymaldanady. UBT tapsyrý oryndary dene qyzýyn ólsheıtin jáne zalalsyzdandyratyn quraldarmen, sanıtaızer jáne betperdemen jetkilikti túrde qamtamasyz etilgen. Túlekter bir-birinen eki metrdeı araqashyqtyqta otyrady. Ol úshin arnaıy lentalar tartylǵan», - deıdi vedomstvodan.
2020 jyldyń 21 maýsymynda Stepnogorsk qalalyq №6 mektep gımnazııasy jáne Esil qalalyq №3 orta mektebi bazasynda UBT ótti. Buǵan bastapqyda 188 túlek qatysatyny josparlanǵanmen, keıin tórteýi bas tartyp, 184 túlek qatysty.
«Qatysýshylardy testileýge jiberý barysynda bir túlek telefon jáne shpargalka ákelgeni úshin testileýge jiberilmedi. Taǵy bir túlek ereje buzǵany úshin testileýden qýyldy», - dep tolyqtyrdy vedomstvodan.
Eske sala keteıik, jalpy bıyl Aqmola oblysynda 4515 túlek mektep bitirse, onyń 3718 UBT tapsyrýǵa ótinish bergen.
