Aqmola oblysynda týberkýlezdiń aldyn alý sharalary qalaı júrgizilýde
Aqmola oblystyq sanıtarlyq-epıdemıologııalyq baqylaý departamenti basshysynyń orynbasary Serik Omarhanovtyń aıtýynsha, qazirgi kezde óńirde týberkýlez jaǵdaıy turaqty. Degenmen byltyrǵy jylmen salystyrǵanda naýqastar sanynyń birshama óskeni baıqalady. Osy rette, óńirde balalar arasynda vaktsınatsııa júrgizý jáne turǵyndarǵa ýaqytyly medıtsınalyq kómek kórsetý boıynsha tıisti sharalary qolǵa alynǵan.
«Elimizde syrqattanýshylardyń jalpy deńgeıi 100 myń turǵynǵa shaqqanda 20 adamnan asady. Sol sebepti de, DDU jańa týǵan nárestelerdi BTsJ-men vaktsınatsııalaýdy usynady. Bul vaktsına balalardy týberkýlezdiń aýyr túrlerinen qorǵaıdy. Aýrýdyń bul túri 5 jasqa deıingi balalar úshin eń qaýipti, óıtkeni múgedektikke nemese ólimge ákelýi múmkin. Óńirimizde bıylǵy jyldyń 8 aıynda týberkýlezben syrqattanýshylyq deńgeıi ótken jyldyń sáıkes kezeńimen salystyrǵanda 1,1 esege artyp otyr. Onyń ishinde balalar arasynda týberkýlezdiń 7 jaǵdaıy tirkeldi. Sol sebepti, týberkýlezdi aldyn alýda BTsJ vaktsınatsııasynyń mańyzdy ekenin aıtqym keledi. Bıylǵy jyldyń 7 aıynda óńirde 6113 bala dúnıege kelse, onyń 5769 ekpe egildi, 142 balanyń ata-anasy ekpeden bas tartty», - dedi Serik Omarhanov.
Brıyngte aıtylǵandaı, jalpy vaktsınatsııa eki ret jasalady. ıAǵnı náreste alǵash týǵan kezde jáne 6-7 jasta taǵy bir márte egiledi. Eresekterdegi aldyn-alý sharasy-flıýorografııa. Bıylǵy jyldyń 8 aıynda Aqmola oblysynyń turǵyndarynyń 94 paıyzy tekserildi. Nátıjesinde 190 jaǵdaı anyqtaldy.
Aqmola oblystyq ftızıopýlmonologııa ortalyǵynyń ftızıopedıatry Rysty Keńesqyzy Sholataevanyń aıtýynsha, vaktsına alǵan sábılerde lımfadenıt túrindegi jaǵymsyz reaktsııa bolýy múmkin. Biraq bul tym sırek kezdesetin qubylys. Balalardy týberkýlezge profılaktıkalyq tekserý maqsatynda respýblıkada týberkýlınodıagnostıka turaqty túrde júrgizilip turady.
«Organızmde týberkýlez ınfektsııasynyń bar-joǵyn kórsetetin ımmýnologııalyq test. ıAǵnı, mantý. Bul tusta «mantýdy» vırýsqa qarsy ekpemen shatastyrmaý kerek. Mantý synamasy bala organızminde týberkýlez mıkobakterııalary bar – joǵyn anyqtaý úshin qoldanylady. Eger reaktsııa kúmándi bolsa, onda ekpe egý keıinge qaldyrylady jáne bala týberkýlezdi emdeýge mamandanǵan dárigerden keńes alýy kerek. Mantý synamasy ınektsııadan keıin 72 saǵattan keıin úshinshi táýlikke tekseriledi», - dep tolyqtyrdy ftızıopedıatrııa boıynsha oblystyq úılestirýshi, Rysty Sholataeva.
Brıfıngte atalyp ótilgendeı, oblysta 2014-2020 jyldar aralyǵynda týberkýlezge qarsy egilmegen 3 jasqa deıingi balalarda týberkýlez menıngıtiniń jaǵdaılary tirkelgen. Ókinishke oraı, bul jaǵdaılar ólimmen aıaqtalǵan. Sol sebepti, týberkýlez dertine shaldyǵyp em izdegenshe, erte jastan aldyn alǵan mańyzdy.
Aıta ketsek, Aqmola oblysynyń 200-ge jýyq turǵyny astanalyq kardıologtardan keńes aldy.
