Aqmola oblysynda «Til sheberi» baıqaýynyń júldegerleri anyqtaldy

KÓKShETAÝ. QazAqparat - Aqmola oblysynda Qazaqstan Respýblıkasy Táýelsizdiginiń 30 jyldyǵyna oraı, úsh tildi meńgergen jastar arasynda «Til sheberi» oblystyq onlaın-baıqaýy ótti, dep habarlaıdy QazAqparat tilshisi oblystyq ishki saıasat basqarmasyna silteme jasap.

Jas mamandardy qoldaý, til mádenıetin arttyrýǵa yqpal etý, jastardyń til úırenýge degen qyzyǵýshylyǵyn arttyrý jáne básekege qabiletti tulǵany tárbıeleý maqsatynda uıymdastyrylǵan baıqaýǵa baıqaýǵa 21-35 jas aralyǵyndaǵy 12 úmitker qatysty. Júldegerler tildi bilý deńgeıi, jaýaptardyń sapasy men mazmundylyǵy, durys aıtylýy men jazylýy boıynsha anyqtaldy. Onyń ishinde 3 orynǵa Gýldana Beısenbek laıyq dep tanylsa, 2 oryndy Juldyz Ehsanova aldy, al «Til sheberi» Móldir Jumabekqyzy atandy.

«Barlyq qatysýshylar óte laıyqty boldy. Olardyń árqaısysy tilderdi jetik meńgergenin kórsetti. Barlyq ýaqytta birneshe tildi meńgergen halyq óziniń kommýnıkatıvtik jáne ıntegratsııalyq qabiletin keńeıtti. Sondyqtan búgingi baıqaý qatysýshylarǵa kóptildilikti bilýge jáne básekege qabilettilikke umtylýǵa múmkindik beredi. Óıtkeni, birneshe tilde erkin sóıleı jáne jaza biletin adam óz elinde de, shetelde de básekege qabiletti tulǵa bolady», - dep bólisti qazylar alqasynyń tóraǵasy Aınagúl Beısembına.

Baıqaý júldegerleri dıplomdarmen, alǵys hattarmen jáne baǵaly syılyqtarmen marapattalady.