Aqmola oblysynda táýligine 600 tonna maı óńdeıtin zaýyt salynyp jatyr

KÓKShETAÝ. QazAqparat – Aqmola oblysyna qarasty Makınsk qalasynda qazirgi zamanǵy ozyq tehnologııa boıynsha táýligine 600 tonna ósimdik maıyn óndiretin jańa zaýytty iske qosý josparlanyp otyr, dep habarlaıdy QazAqparat.

«Zaýyt qurylysyn «Bota-2015» jaýapkershiligi shekteýli seriktestigi qolǵa alǵan. Qazirgi kezde ǵımarattyń qabyrǵalary turǵyzylyp, qoımanyń qurylys-montaj jumystary, temirjol qurylysy aıaqtalýǵa jaqyn. Osy zamanǵy qondyrǵylarmen jabdyqtalǵan zaýytta maıly daqyldardy óńdep, taıaý shetel naryǵyna eksporttaý josparlanǵan», - deıdi Bulandy aýdany ákimdigindegiler.

Jobanyń quny 4,2 mıllıard teńgege baǵalanyp otyr. Kásiporyn ashylsa, jergilikti 80 adamdy jumyspen qamtylady. Elimiz boıynsha osy tektes zaýyt Almaty qalasynda ǵana bar. Mundaı óndiris oryndaryn salý - tereńdetile óńdelgen, quny joǵary ónim eksportyna ótýge múmkindik beredi.