Aqmola oblysynda metsenattar marapattaldy
Kókshetaýda VIII respýblıkalyq Azamattyq forým qarsańynda áleýmettik jobany júzege asyrý aıasynda Aqmola oblystyq ishki saıasat basqarmasynyń qoldaýymen «Sara» qoǵamdyq qory memlekettik organdardyń, úkimettik emes uıymdar men bıznestiń ózara is-qımyly boıynsha oblystyq forým ótkizdi.
«Qazaqstan Respýblıkasynyń azamattyq qoǵamyn 2025 jylǵa deıingi damytý tujyrymdamasynda» qoıylǵan basym maqsattardyń biri - azamattyq qoǵam ınstıtýttaryn jáne olardyń memleketpen jáne bıznes-qoǵamdastyqpen teń quqyqty áriptestigin jan-jaqty damytý», - dedi forýmda Aqmola oblysy ishki saıasat basqarmasynyń basshysy Gúljanar Shókeeva.
Vedomstvonyń málimetinshe, VIII respýblıkalyq Azamattyq forým qarsańynda óńirde birqatar is-sharalar ótkizildi. Bıznestiń áleýmettik jobalaryna qosqan úlesi úshin oblystyq «Jomart júrek» konkýrsynyń jeńimpazdary belgili boldy, ÚEU quqyq qorǵaý organdarymen birlesip, quqyqtyq qoǵam qurý týraly kelisimge qol jetkizildi.
Bul - memleket, bıznes jáne úkimettik emes uıymdardyń yntymaqtastyǵyn nyǵaıtý boıynsha júrgiziletin aýqymdy jumystyń bir bóligi ǵana. Bul jerde áleýmettik jáne qoǵamdyq mańyzy bar jobalardy iske asyrýda úlgi bola alatyndardy kótermeleý mańyzdy.
Metsenattyq qyzmetteri úshin «Kókshe Trans-Alıans» JShS dırektory Qaırat Qusaıynov, Atbasar aýdany Novosel aýyldyq okrýginiń ákimi Gúlgúl Maǵzum, Qorǵaljyn aýdany múgedekter qoǵamdyq birlestiginiń tóraǵasy Oral Beısen, Stepnogor qalasynan «Aleks-Nour» JShS dırektory» Aleksandr Nakoshnyı, «Kok Su Kz» JShS dırektory» Sáýle Qasym, LUXOR dúkender jelisiniń negizin qalaýshy Alena Avramenko, «Cood Cinema» kompanııasy, «Býrabaı» sport saraıy jáne qoǵam men bıznestiń belsendi bóliginiń basqa da ókilderi Alǵys hattarmen marapattaldy.
«Asar» forýmynyń jumysy tórt sektsııada jalǵasty. Forýmǵa qatysýshylar ulttyq sport túrleri boıynsha oblystyq balalar-jasóspirimder sport mektebi, IT-mektep-lıtseıi, «Býrabaı» sport kesheninde boldy. Sondaı-aq, jastar resýrstyq ortalyǵynda uıymdastyrylǵan kıiz úıdi jınaý sharasyna qatysty.
Jastar forým aıasynda «Rýhanı jańǵyrý» jáne «Tsıfrlyq Qazaqstan» baǵdarlamalary týraly kóptegen maǵlumattar aldy. ÚEU seriktesteri - kásiporyndar, «JK Kalıshev», «Sara» QQ, «Delaı dobro, Kokshetaý», «Rýh-Aldaspan» QB tárizdi ózge de metsenattar halyqpen jumys isteýge daıyn ekendikterin jetkizdi.
