Aqmola oblysynda qylmystyq ister elektrondy formatta júrgizilýde
Konstıtýtsııa kúni qarasyńda tártip saqshylary qylmystyq isterdi tergeýdegi jańalyqtarymen bólisti.
Polıtseılerdiń málimeti boıynsha, «E-qylmystyq is» boıynsha sotqa deıingi tergeý Aqmola oblysynda aǵymdaǵy jyldyń qańtar aıynnan bastap engizilip otyr. Joba Memleket basshysynyń Joldaýynda aıtylǵan tsıfrlyq tehnologııany damytý boıynsha tapsyrmasyna saı qolǵa alynǵan.
«Aǵymdaǵy jyldyń 8 aıynda oblys boıynsha barlyǵy 117 qylmystyq is elektrondy formatta aıaqtaldy. Onyń 15-i qylmys, 102 qylmystyq áreket. Tergeýshiler men túsinikteme alýshylar elektrondy formatta urlyq, bireýdiń múlkin urlaý, tonaý, kámelettik jasqa tolmaǵan balany tárbıeleýdegi mindetin oryndamaý, kólik basqarý quqyǵynan aıyrylǵan tulǵanyń qaıtadan rólge otyrýy tárizdi zańsyzdyqtardy tergedi», dep túsindirdi polıtseıler.
Tergeýshiler oblys boıynsha bıylǵy jyldyń 8 aıynda júrgizilgen tájirıbe elektrondy formatta qylmystyq isti tergeý tıimdi ekenin aıtýda. «E-qylmystyq is»-tiń artyqshylyǵy tergeý protsessin jeńildetip, merzimi men shyǵynynyń kólemin qysqartýǵa múmkindik beredi. Іs materıaldarynyń jalǵandyǵyn tolyǵymen joıady. Sondaı-aq, sot-medıtsınalyq saraptamany, tergeý amaldaryn ýaqytyly júrgizýge múmkindik beredi. Oǵan qosa, qylmystyq is protsessterine qatysýshylar tergeý amaldarynyń barysymen onlaın rejımde tanysýyna bolady. Onyń ishinde eń mańyzdysy qylmystyq isti sotqa joldaý jáne sanktsııalaý boıynsha prokýror men sottyń turaqty túrde birlese jumys ústeýinde bolyp otyr.
Aıta keterligi «E-qylmystyq is» qylmys týraly aryzdy tirkeý, sot úkimi shyqqanǵa deıingi barlyq qylmystyq protsesterdi qamtıdy.
Búgingi tańda óńirdegi ishki ister organdarynyń barlyq aýmaqtyq bólimsheleri qajetti kompıýtermen jabdyqtalyp, polıtsııa qyzmetkerleri arnaıy kýrstan ótti.