Aqmola oblysynda kelinder baıqaýynyń jeńimpazdary anyqtaldy

KÓKShETAÝ. QazAqparat - Aqmola oblysynda «Jaqsy kelin – yrysyń» oblystyq kelinder baıqaýy ótip, júldegerleri marapattaldy, dep habarlaıdy QazAqparat tilshisi.

QR Táýelsizdiginiń 30 jyldyǵy jáne Naýryz meıramyn merekeleý aıasynda ótkizilgen baıqaý qarapaıymdylyqqa, eńbeksúıgishtikke, qonaqjaılylyqqa negizdelgen jáne qyz bala tárbıesindegi otbasylyq qundylyqtardy nasıhattaý, qazirgi qoǵamda áıelge ana men otbasynyń qamqorshysy retinde qurmetpen qaraý sezimin qalyptastyrýǵa baǵyttalǵan.

Baıqaýǵa Aqmola oblysynyń 5 aýdany men Kókshetaý jáne Stepnogor qalasynan nıet bildirgen 7 kelin qatysty. Úmitkerler ózderiniń ónerin kórsetip, salt-dástúr, folklor týraly bilimderin ortaǵa salady. Baıqaý qorytyndysy boıynsha Bas júlde ıegeri men «Symbatty kelin», «Ónerli kelin», «Sheber kelin» nomınatsııalarynyń jeńimpazdary anyqtalady.

«Baıqaýdyń gran-prı júldesine Zerendi aýdanynyń Birlestik aýylyndaǵy «SARA» jaýpkershiligi shekteýli seriktestigi agronomnyń kómekshisi Aqjarqyn Saǵyndyqova ıe bolsa, júldeli birinshi oryndy Arshaly aýdandyq mádenıet úıindegi «Qarlyǵash» qobyzshylar ansambiliniń jetekshisi Rábıǵa Stybaeva jeip aldy. Al, ekinshi jáne úshinshi oryndardy Atbasar aýdanyndaǵy Agrotehnıkalyq kolledji qazaq tili men ádebıet pániniń oqytýshysy Áıgerim Qasenova men Kókshetaý qalalyq mádenıet jáne tilderdi damytý bóliminiń bas mamany Aqbota Tashenova ózara bólisti», - dedi Aqmola oblysynyń mádenıet, arhıvter men qujattamalar basqarmasynyń baspasóz qyzmetindegiler.

Jeńimpazdar dıplom jáne estelik syılyqtarmen marapattalady.