Aqmola oblysynda qarasora ósirgen eki turǵyn ustaldy

KÓKShETAÝ. QazAqparat – Aqmola oblysynda quramynda esirtki bar ósimdikterdi egýga qatysty eki fakti anyqtaldy, dep habarlaıdy QazAqparat tilshisi.

Aqmola oblysy polıtsııa departamentiniń esirtki qylmysyna qarsy is-qımyl basqarmasynyń málimdeýinshe, birinshi oqıǵa jaldamaly páterde jylyjaı jasap, qoldan jasalǵan qumyralarda shamamen 50 túp qarasora ósirgen oblys turǵyny ustaldy.

Ekinshi fakti boıynsha buryn birneshe ret sottalyp, narkologııalyq esepte turǵan Stepnogor qalasynyń turǵynynyń aýlasynan polıtsııa 28 túp qarasora tárkilegen. Saraptama taǵaıyndaldy.

«Kúdiktilerge qatysty Qylmystyq kodekstiń 300-baby «Quramynda esirtki zattary bar, ósirýge tyıym salynǵan ósimdikterdi zańsyz ósirý» boıynsha qylmystyq ister qozǵaldy», - dep qos dedi R. Qursanova.