Aqmola oblysynda karantındik shekteý sharalary saqtalýda
Densaýlyq saqtaý basqarmasynyń málimetinshe, óńirde pandemııa bastalǵaly beri statsıonarlardy qamtamasyz etý úshin dári-dármekterdiń 85 túri jóneltildi. Sondaı-aq, jergilikti bıýdjet esebinen statsıonarlyq deńgeıde KVI emdeýge arnalǵan preparattardyń jeke rezervi jasaldy. Bakterııaǵa qarsy eń qajetti preparattar, antıkoagýlıanttar jáne vırýsqa qarsy ózge de preparattar satyp alyndy. Emhanalar arqyly halyqty ystyq túsiretin jáne antıkoagýlıanttardyń bes ataýy boıynsha dári-dármekpen qamtamasyz etý jumystary júrgizilýde. Turaqtandyrý qorynda qosymsha 500 mıllıon teńge qarastyrylǵan. Óńirde halyqty KVI-ge qarsy jappaı vaktsınatsııalaý jalǵasýda. Shamamen 294 myń adam egildi. Halyqty neǵurlym keńinen qamtý úshin egý pýnktteriniń sany 5 esege, 27-den 130-ǵa deıin ulǵaıtyldy.
Jalpy, 260 egý pýnktteri men mobıldi brıgadalar jumyldyryldy. Shalǵaıdaǵy aýyldyq eldi mekenderde 11 jyljymaly medıtsınalyq keshen jumys isteıdi. Óńirde áli de shekteý sharalary saqtalýda. 228 monıtorıngtik toptyń jumysy jalǵasýda. Sońǵy aptada 84 tekserý júrgizilip, 1010 nysan monıtorıngpen qamtyldy. Karantın sharalaryn buzýǵa qatysty 30 jaǵdaı anyqtalyp, 25 ákimshilik aıyppul salyndy. «Ashyq» jobasyn engizý boıynsha da jumystar júrgizilýde. Joba qatysýshylaryna 4813 QR-kod berildi, 81 obektige «Ashyq» jobasynyń kóshbasshylary» mártebesi berildi.
Aıta ketsek, 20 juqpaly arýrýlar statsıonar bazasynda bir myń ınfektsııalyq tósek orny ashylǵan. Onda 571 adam em alýda, tósek-oryn júketesi 57 paıyzdy quraıdy.
