Aqmola oblysynda karantındik sharalar jeńildetildi
Óńirdiń bas memlekettik sanıtarlyq dárigeriniń qaýlysynda «Ashyq» jobasyna qatysýshylar úshin jumys ýaqyty saǵat 03:00-ge deıin, «kóshbasshylar» úshin 05:00-ge deıin uzartyldy. Al jobaǵa qatyspaıtyn keıbir obektiler shekteý talaptaryn saqtap, 02:00-ge deıin jumys isteýine ruqsat etiledi.
«Ashyq» jobasyna qatysýshylardy qospaǵanda, alkogol ishimdikteri satylmaıtyn ashana tıpi boıynsha (úı-jaıdaǵy) qoǵamdyq tamaqtandyrý obektileri kópshilik jınalatyn saltanatty, otbasylyq, as berý, ujymdyq jáne basqa da is-sharalardy ótkizbesten, toltyrylýy 50 paıyzǵa deıin, biraq 50 orynnan asyrmaı jumys isteýge ruqsat etiledi. Fýd-korttar jumys rejımin saǵat 10-nan 18-ge deıin shekteı otyryp, jumys isteýge ruqsat etiledi.
Banket zaldarynyń (as berýdi ótkizý úshin, meıramhanalar jáne dámhana tıpi boıynsha kelýshilerge qyzmet kórsetý) jumys rejımi saǵat 9-dan 02-ge deıin, toltyrylýyn 30 paıyzdan asyrmaı, biraq 50 adamnan aspaıtyn kezde júzege asyrylady.
Dinı obektilerde (meshit, shirkeý, sobor, sınagoga jáne t.b) as berý tıym salynady.
Saýnalar, SPA ortalyqtary, basseınder, sporttyq keshender, sport- saýyqtyrý ortalyqtary jáne fıtnes ortalyqtary, ıoga ortalyqtaryna saǵat 07-den 00-ge deıin jumys isteýge ruqsat etiledi.
«Ashyq» jobasy qatysýshylary is-sharalardy qyzmetkerler men kelýshilerde qaýipsiz «jasyl» mártebe bolǵan jaǵdaıda (vaktsınatsııa, synamalardy irikteý sátinen bastap 7 táýlikten aspaıtyn teris nátıjemen PTR-test, turaqty medıtsınalyq qarsy kórsetilimderi bar, sońǵy úsh aı ishinde aýyryp jazylǵan adamdar) 50 paıyzǵa deıingi tolymdyqpen, biraq 70 orynnan aspaıtyndaı tártippen ótkize alady. «Ashyq» kóshbasshylarynda tolymdyq 60 paıyzǵa deıin, oryndar sany 70-ten aspaýy qajet.
«Ashyq» jobasyna qatysýshylar úshin jumys ýaqyty saǵat 03:00-ge deıin, «kóshbasshylar» úshin 05:00-ge deıin uzartyldy. Al jobaǵa qatyspaıtyn keıbir obektiler shekteý talaptaryn saqtap, 02:00-ge deıin jumys isteýine ruqsat etiledi», - delingen qaýlyda.
Demalys kúnderi qyzmetkerler men kelýshilerdiń qaýipsiz «jasyl» mártebesi bolǵan jaǵdaıda obektilerdiń jumysyna jol beriledi. «Memlekettik organdar (uıymdar men kásiporyndar), kvazımemlekettik sektor organdary, ulttyq kompanııalar, ózge de uıymdar, sondaı-aq kásipkerlik sýbektileri qyzmetine ruqsat beriledi.
Bul rette, shtattyq kestede 70-den artyq qyzmetker bolǵanda, qyzmetkerlerdiń keminde 30 paıyzy qashyqtan jumys atqarady. COVID-19-ǵa qarsy tolyq vaktsınatsııa kýrsyn alǵan jáne sońǵy 3 aıda COVID-19-ben aýyrǵan barlyq qyzmetkerlerge mekemede jumys atqarýǵa ruqsat beriledi», - dep kórsetilgen jańa qaýlyda.
Qaýly 2022 jyldyń 1i qańtarynda saǵat 00:00-den bastap kúshine enedi.
